ప్రస్తుతం ఉన్న బిజీ లైఫ్ లో ప్రతి ఒక్కరు ఏదో ఒక అనారోగ్య సమస్యలతో బాధపడుతూనే ఉన్నారు. అస్వస్థలకు గురవుతూనే ఉన్నారు. దీర్ఘకాలిక వ్యాధుల బారిన పడుతూ ఇబ్బంది పడుతున్నారు. రకరకాల మందులు తీసుకుంటూ శరీరం ఆరోగ్యంగా ఉండడానికి శ్రమిస్తున్నారు. అయితే చాలామందికి తెలియని విషయం ఏంటంటే మన వంటగదిలో ఉండే రెండే రెండు పదార్థాలను కలిపి తీసుకోవడం వల్ల ఎన్నో మందులు అవసరం లేకుండానే అనారోగ్యాలకు చెక్ పెట్టవచ్చ‌ని నిపుణ‌లు చెబుతున్నారు. అవేంటంటే నెయ్యి, నల్ల మిరియాలు.
ఒక చెంచా నెయ్యిలో కొన్ని నల్ల మిరియాలు పొడిని వేసుకుని బాగా కలుపుకోవాలి. ఆ తర్వాత దీనిని తినడం వల్ల ఎన్నో ప్రయోజనాలు ఉంటాయి. ఇలా ప్రతిరోజు ఒక చెంచాడు నెయ్యిలో.. నల్ల మిరియాల పొడిని తినడం వల్ల ఎలాంటి ప్రయోజనాలు కలుగుతాయో ఒకసారి చూద్దాం. ఈ మిశ్రమాన్ని రోజు తీసుకోవడం వల్ల రోగనిరోధక శక్తి పెరుగుతుంది. అలాగే నెయ్యిలో ఉండే ఏ, ఈ, కె విటమిన్లు శరీర ఆరోగ్యాన్ని మెరుగుపరుస్తాయి.
కీళ్ల నొప్పులు లాంటి సమస్యలు ఉన్నవారికి దీనిని రోజు ఓ చెంచాడు తీసుకోవడం వల్ల మంచి ఫలితం లభిస్తుంది. నెయ్యి, మిరియాలను కలిపి తీసుకోవడం వల్ల గుండెకు.. కాలేయానికి మేలు జరుగుతుంది. కాలేయ సమస్యలతో బాధపడుతున్న వారికి కూడా ఈ హోమ్ రెమిడి చాలా సహకరిస్తుంది. చాలామందిలో ఏడాది పొడవున జలుబు, దగ్గు లాంటి సమస్యలు వేధిస్తూ ఉంటాయి. అలాంటి వారికి నెయ్యి, నల్ల మిరియాల పొడి మిశ్రమం మంచి ఉపశమనాన్ని ఇస్తుంది. ఇది బ్రీతింగ్ ప్రాబ్లం ఉన్న వారికి చాలా బాగా ప‌నిచేస్తుంది. ఆ స‌మ‌స్య‌కు చెక్ పెడుతుంది.