బాలీవుడ్ స్టార్ బ్యూటీ ఆలియా భట్ రాజమౌళి దర్శకత్వం వహించిన ఆర్‌ఆర్ఆర్ సినిమాలో రామ్ చరణ్ జంటగా నటించి పాన్ ఇండియా స్టార్ హీరోయిన్గా క్రేజ్‌ను సంపాదించుకుంది. ఈ సినిమాతో టాలీవుడ్ ప్రేక్షకులకు కూడా దగ్గరైన ఈ ముద్దుగుమ్మ.. ఈ సినిమా తర్వాత బాలీవుడ్ లో గంగుబాయి కథియావాడి సినిమాతో ఉత్తమ నటిగా నేషనల్ అవార్డు కూడా అందుకుంది. ఇటీవల ఫిలింఫేర్ ఓటిటి అవార్డు వేడుకల్లో మెరిసి సంద‌డిచేసింది. ఈ వేడుకల్లో ఉత్తమ నటిగా అవార్డును అందుకున్న ఈమె స్టేజ్ పైన ఉండ‌గానే ఫ్యాన్స్‌కు ధన్యవాదాలు తెలియజేసింది.
`
కొంతసేపటికి అభిమానులతో ముచ్చటించిన ఈ ముద్దుగుమ్మ.. నేను బాగా నటిస్తానంటూ ఒకప్పుడు అందరు మెచ్చుకున్నారు. ఇప్పుడేమో గొప్ప నటిని, మహానటిని అంటూ అవార్డులు ఇస్తున్నారు. ఇలాంటి అభినందనలు, బిరుదులు, సత్కారాలు, పురస్కారాలు నా రెస్పాన్సిబిలిటీని మరింతగా పెంచుతున్నాయి. నేను ఓ కమర్షియల్ హీరోయిన్. ప్రతిసారి నాకు గొప్ప పాత్రలు రావు. ప్రస్తుతం నాకు డబ్బు కోసం సినిమాల‌లో నటించాలంటే భయమేస్తుంది అంటూ అలియా భట్ చెప్పుకొచ్చింది.
ఇక అతి చిన్న వయసులోనే జాతీయ అవార్డు అందుకోవడం పట్ల అలియా స్పందిస్తూ.. అవార్డ్‌ అందుకున్న వారందరిలో నేనే చిన్నదానని అని ఆలస్యంగా తెలిసింది. ఈ విషయం తెలిసాక రణ్‌బీర్ నాకు చాలా వాల్యుబుల్ గిఫ్ట్ అందించాడు. ఏమి ఇచ్చాడు అడగొద్దు. అది చాలా సీక్రెట్ అంటూ ఆలియా నవ్వుతూ చెప్పింది. ప్రస్తుతం ఆలియా చేసిన కామెంట్స్ సోషల్ మీడియాలో వైరల్ అవడంతో ఇంతకీ రణ్‌బీర్ ఇచ్చిన ఆ విలువైన బహుమతి ఏమై ఉంటుంది అనే సందేహాలు ప్రేక్షకులలో మొదలయ్యాయి.