బాలీవుడ్ స్టార్ రణ్వీర్ సింగ్ ఎప్పుడు ఫుల్ జోష్ తో ప్రేక్షకులను ఆకట్టుకుంటూ ఉంటాడు. ఏదైనా ఈవెంట్ కానీ, స్పెషల్ ప్రోగ్రాంలో కానీ మెరిసాడంటే.. స్పెషల్ ఎట్రాక్షన్ గా మారిపోతాడు. ఆ ఈవెంట్ మొత్తంలో సందడి చేస్తూ అందరి లుక్ను తన వైపు తిప్పుకుంటాడు. డ్యాన్స్లతో దుమ్ము రేపే ఈ స్టార్ హీరో.. తాజాగా తమిళ్ స్టార్ట్ డైరెక్టర్ శంకర్ కూతురు ఐశ్వర్య వివాహ రిసెప్షన్ లో అదరగొట్టాడు. తన మాస్టెప్స్ తో మార్క్ డ్యాన్స్ తో జనాన్ని ఆకట్టుకున్నాడు. ఈ వీడియోను స్వయంగా టాలీవుడ్ స్టార్ మ్యూజిక్ డైరెక్టర్ దేవిశ్రీప్రసాద్ సోషల్ మీడియా వేదికగా షేర్ చేసుకున్నాడు.
అల్లు అర్జున్ హీరోగా వచ్చి పాన్ ఇండియన్ బ్లాక్ బస్టర్ సక్సెస్ సాధించిన పుష్పా మూవీలో ఊ అంటావా మావా ఊ.. ఊ.. అంటావా మావా పాట మరిన్ని రికార్డులు సృష్టించిన సంగతి తెలిసిందే. అయితే ఈ పాటకు రణ్వీర్ సింగ్ మాస్ స్టెప్స్ తో అదరగొట్టాడు. ఐశ్వర్య శంకర్ వెడ్డింగ్ రిసెప్షన్ వేడుకల్లో ఈ పాటకు చిందేశాడు రణ్వీర్. ఈ సాంగ్కు మ్యూజిక్ డైరెక్టర్గా వ్యవహరించిన దేవిశ్రీప్రసాద్ తో కలిసి చిందేసిన రణ్వీర్ చిరునవ్వులు చిందిస్తూ పాటను ఎంజాయ్ చేశాడు. మరోవైపు దేవిని గిల్లుతూ చిలిపి చేష్టలు చేశాడు. మొత్తంగా ఫుల్ జేష్తో ఈ పాటలో తన మార్క్ స్టెప్పులతో అదరగొట్టాడు.
కాగా నిన్న అంతర్జాతీయ డ్యాన్స్ డే సందర్భంగా డిఎస్పి ఈ వీడియోను సోషల్ మీడియా వేదికగా షేర్ చేసుకున్నాడు. అందరికీ హ్యాపీ ఇంటర్నేషనల్ డ్యాన్స్ డే అంటూ తెలియజేసిన డిఎస్పి.. సంతోషంలో ఉన్న.. బాధలో ఉన్న.. డ్యాన్స్ చేయాలని నేను నమ్ముతా. డైరెక్టర్ శంకర్ కూతురి వెడ్డింగ్ రిసెప్షన్లో నాకు ఈ అద్భుతమైన డ్యాన్స్ మంచి జ్ఞాపకాన్ని ఇచ్చింది. బ్రదర్ రణ్వీర్ సింగ్ నీకు చాలా థాంక్స్ అంటూ క్యాప్షన్ తో ఈ వీడియోను షేర్ చేశాడు. అయితే గతంలో రణ్వీర్ కూడా ఊ అంటావా పాట లిరిక్స్ నాకు అర్థం కాకపోయినా.. ఆ పాట అంటే చాలా ఇష్టం అంటూ వివరించాడు. ఈ నేపథ్యంలో రణ్వీర్ డ్యాన్స్ చేసిన ఈ వీడియో నెట్టింట వైరల్ గా మారింది. దీంతో టాలీవుడ్ ఫ్యాన్స్ కూడా రణ్వీర్ డ్యాన్స్కు ఫిదా అవుతున్నారు.
View this post on Instagram