టాలీవుడ్ టైర్ 2 హీరోల్లో అల్లరి నరేష్ ఒకరు. ఒకప్పుడు వరుస సినిమాల్లో నటిస్తూ బిజీ బిజీగా గడిపిన అల్లరి నరేష్.. ప్రస్తుతం లిమిటెడ్ సినిమాల్లో మాత్రమే నటిస్తూ విభిన్నమైన కథాంశాలను ఎంచుకుంటూ దూసుకుపోతున్నాడు. తనకంటూ ప్రత్యేకమైన ఇమేజ్ ఏర్పరచుకున్న ఈ అల్ల‌రోడు సినీ కెరీర్‌లో ఎన్నో ఫ్లాప్‌లు చెవి చూసాడు. అయితే తాజాగా అల్లరి నరేష్ ఓ ఇంటర్వ్యూలో మాట్లాడుతూ ఆయన నటించిన సినిమాల్లో ఫ్లాప్ గా నిలిచిన లడ్డు బాబు సినిమాకు సంబంధించిన షాకింగ్ విషయాలను షేర్ చేసుకున్నాడు. ఆ సినిమా షూట్ టైంలో ఆయన ఎన్నో ఇబ్బందులు పడాల్సి వచ్చిందని వివరించాడు. నేను.. సినిమా చూసి గమ్యం, మహర్షి సినిమాలో ఆఫర్లు వచ్చాయని ఆయన వివరించాడు.
సుడిగాలి తర్వాత నా సినిమాలపై అంచనాలు మరింతగా పెరిగాయని చెప్పుకొచ్చాడు. లడ్డు బాబు సినిమాలో నేను నటించినట్టే లేదని చాలామంది అన్నారని.. ఆ సినిమా కోసం ఎన్నో ఇబ్బందులు పడ్డానంటూ వివరించారు. లడ్డు బాబు మూవీ షూటింగ్ టైంలో మేకప్ కే చాలా సమయం పట్టేదని ఆయన చెప్పుకొచ్చాడు. అయితే ఈ సినిమా టైంలో మేకప్ హెవీ కావడంతో రాషెస్ వచ్చేవని.. మేకప్ ఉండడంతో చెమటల వల్ల కూడా ఎన్నో సమస్యలు ఎదుర్కోవాల్సి వచ్చిందని.. లడ్డు బాబు కొత్త తరహా సినిమా అవుతుందని భావించా.. అందుకే ఈ సినిమాలో నటించానంటూ చెప్పుకొచ్చారు. ఉదయం నాలుగు గంటల లోపే తినాలి తప్ప.. మేకప్ వేసిన తర్వాత సాలిడ్ ఫుడ్ తినలేము అని.. ఆయన చెప్పుకొచ్చాడు.
తిండి కూడా సరైన సమయానికి తినకుండా సినిమా కోసం కష్టపడినట్లు వివరించాడు. ఉదయం మేకప్ కు నాలుగున్నర గంటలు పడితే.. సాయంత్రం మేకప్ ను తీసివేయడానికి 90 నిమిషాలు పట్టేదని చెప్పుకొచ్చాడు. ఈ సినిమా షూట్ ఆరు రోజులు సరైన ఆహారం కూడా తినలేదు అంటూ వివరించాడు. కాగా ఈ సినిమా ఫ్లాప్ గా నిలిచింది. ఇక ప్రస్తుతం నరేష్ ఆ ఒకటి అడక్కు సినిమాతో ప్రేక్షకుల ముందుకు వచ్చేందుకు సిద్ధమవుతున్నాడు. జాతి రత్నాలు బ్యూటీ ఫ‌రీయా అబ్దుల్లా ఈ సినిమాలో హీరోయిన్గా నటిస్తుంది. ఈ క్రమంలో పలు ప్రమోషన్స్ లో పాల్గొంటున్న అల్లరి నరేష్ ఆసక్తికర విషయాలను షేర్ చేసుకుంటున్నాడు. అయితే అల్లరి నరేష్ లడ్డు బాబు షూటింగ్లో జరిగిన తన అనుభవాలను షేర్ చేసుకున్న ఈ వీడియో నెట్టింట వైరల్ అవ్వడంతో.. ఈ సినిమా హిట్టై ఉంటే ఆయన కష్టానికి సరైన ఫలితమైన దక్కేది అంటూ కామెంట్స్ చేస్తున్నారు.