సాధారణంగా చిత్ర పరిశ్రమలో అవకాశం లభిస్తే చాలు అనుకుని ఇండస్ట్రీ లోకి వచ్చిన వారు చాలామంది ఉన్నారు. ఏదో ఒక పాత్ర దొరికితే చాలు అన్నట్టుగా విలన్ పాత్రలకు కూడా ఓకే చెప్పి మొదట ఇండస్ట్రీలోకి వచ్చి ఆ తర్వాత తమ నటనతో స్టార్ హీరోలుగా మెప్పించిన నటులు చాలామంది ఉన్నారు. నిజానికి ఏ సినిమాకైనా సరే.. హీరోకి ఎంత ప్రాధాన్యత ఉంటుందో.. విలన్ కి కూడా అంతే ప్రాధాన్యత ఉంటుంది.
విలన్ లేకపోతే హీరోనే ఉండడు. విలన్ పాత్ర ఎంత స్ట్రాంగ్ గా ఉంటే హీరో పాత్ర అంత బలంగా చూపించే అవకాశం ఉంటుంది. ఈ విధంగా హీరో పాత్రతో పోల్చుకుంటే విలన్ పాత్రకి ఎక్కువ డిమాండ్ ఉంటుందన్న విషయం అందరికీ తెలిసిందే. ఈ విలన్ పాత్రలు కొంతమంది నటుల కెరీర్‌ను మార్చేశాయి. ముందుగా పరిశ్రమంలోకి హీరో అవుదామని వచ్చి.. విలన్ పాత్రలతో సరిపెట్టుకుని ఆ తర్వాత స్టార్ హీరో ఇమేజ్‌ని సొంతం చేసుకున్న నటుల గురించి ఇప్పుడు తెలుసుకుందాం.
చిరంజీవి:
చిరంజీవి బాడీ లోనే రిధం ఉంటుందని అందరూ అంటూ ఉంటారు. ఆయన నటన గురించి ప్రత్యేకంగా చెప్పాల్సిన అవసరం లేదు . ముఖ్యంగా మాటలు.. మేనరిజం.. డాన్స్ అన్ని కూడా వేరే లెవెల్ అన్నట్టుగా ఉంటాయి. అయితే చిరంజీవి మొదటిసారి.. ఇది కథ కాదు , మోసగాడు, న్యాయం కావాలి వంటి చిత్రాలలో విలన్ గా నటించారు . ఆ తర్వాత మెగాస్టార్ గా గుర్తింపు తెచ్చుకున్నారు.
మోహన్ బాబు:
ఈయన కూడా ఇండస్ట్రీలోకి వచ్చిన కొత్తలో కొదమసింహం, సర్దార్ పాపారాయుడు , అడవిదొంగ వంటి సినిమాలలో నెగిటివ్ పాత్రలు పోషించి.. ఆ తర్వాత కలెక్షన్ కింగ్ గా గుర్తింపు సొంతం చేసుకున్నారు.
జెడి చక్రవర్తి:
గులాబి, ప్రేమకు వేళాయరా వంటి సినిమాలలో లవర్ బాయ్ గా కనిపించిన జెడి కూడా శివ సినిమాలో విలన్‌గా నటించాడు.
గోపీచంద్:
మ్యాచో మ్యాన్ గోపీచంద్ కూడా తొలివలపు సినిమాలో హీరోగా నటించినా అనుకున్న సక్సెస్ అవ్వకపోవడంతో విలన్ గా వర్షం, జయం, నిజం సినిమాలలో తన నటనతో ప్రేక్షకులను భయపెట్టాడు.
రాజశేఖర్:
తలంబ్రాలు సినిమాలో విలన్ గా నటించి.. ఆ పాత్రకు నంది అవార్డును కూడా సొంతం చేసుకున్న రాజశేఖర్ ఆ తర్వాత హీరోగా సక్సెస్ అందుకున్న‌డు.