తెలుగు చిత్ర పరిశ్రమలో లెజెండరీ యాక్టర్ అయిన నందమూరి బాలకృష్ణ తన కెరీర్ పట్ల అంకితభావంతో ఉంటాడు. గొప్ప ఉదార స్వభావానికి పేరు తెచ్చుకున్నాడు. పరిశ్రమలోని అతని సహచరులు ఆయనను ఎంతో గౌరవంగా ట్రీట్ చేస్తారు. సినిమాలకు ఆయన చేసిన సేవలను మెచ్చుకుంటారు.
ఇటీవలి ఇంటర్వ్యూలో, నటుడు అప్పాజీ అంబరీష బాలకృష్ణ నిబద్ధత, దాతృత్వం గురించి కొన్ని విశేషమైన విషయాలు పంచుకున్నారు. పాత్రల పట్ల బాలయ్యకున్న అంకితభావాన్ని, సినిమా కోసం ఎక్కడికైనా వెళ్ళడానికి సిద్ధమయ్యే బాలయ్య ఇష్టాన్ని అంబరీష ప్రత్యేకంగా హైలైట్ చేశాడు. ఎన్టీఆర్ బయోపిక్ సెట్లో తాను జీవన్ రెడ్డి పాత్రను పోషించిన సంఘటనను అంబరీష గుర్తు చేసుకున్నారు.
ఆయన మాట్లాడుతూ “ఎన్టీఆర్ నిజ జీవితంలోని ఒక కీలకమైన క్షణం ఉంది, ఇక్కడ నన్నపాని రాజకుమారి పాత్ర సీనియర్ ఎన్టీఆర్ ముందు గాజులు పగలగొట్టి, ఆపై అతని ముఖంపై ఉమ్మివేస్తుంది. ఈ సన్నివేశాన్ని వీలైనంత రియలిస్టిక్‌గా తీయాలని దర్శకుడు పట్టుబట్టారు. నన్నపాని రాజకుమారి పాత్ర పోషిస్తున్న ఆర్టిస్ట్ బాలకృష్ణ ముందు ఆ సన్నివేశాన్ని ప్రదర్శించడానికి సంకోచించార”ని అంబరీష చెప్పాడు.
అయితే, అప్పుడు బాలకృష్ణ.. “నాపై ఉమ్మివేయండి” అని సదరు ఆర్టిస్ట్ ను ప్రోత్సహించడం ద్వారా అద్భుతమైన క్రీడాస్ఫూర్తిని ప్రదర్శించారట. ఇది తనను మొదట షాక్‌కి గురిచేసిందని అంబరీష అన్నాడు. తరువాత బాలకృష్ణ మాట్లాడుతూ.. తాము కేవలం ఒక పాత సంఘటనను మాత్రమే రీక్రియేట్ చేస్తున్నామని, అది ప్రామాణికమైనదిగా కనిపించాలంటే, తూ అంటూ ఉమ్మి వేయాల్సిందే అని వివరించారట. అప్పుడే బాలకృష్ణకు నటన పట్ల ఎంత డెడికేషన్ ఉందో అర్థం అయిందని ఇతను వివరించాడు.