యంగ్ టైగర్ ఎన్టీఆర్ ఆర్ఆర్ఆర్ సినిమాతో పాన్ ఇండియా లెవెల్లో క్రేజ్ సంపాదించుకున్న సంగతి తెలిసిందే. ప్రస్తుతం ఎన్టీఆర్‌కు ప్రపంచవ్యాప్తంగా ఫ్యాన్స్ ఫాలోయింగ్ ఉంది. ఆయన సినిమా కోసం ఒక టాలీవుడ్ ఏ కాదు మొత్తం యావత్ ప్రపంచమంతా ఎదురుచూస్తుంది. ఇక పాన్ ఇండియా లెవెల్లో రూపొందిన ఆర్ఆర్ఆర్ సినిమాలో కొమరం భీమ్‌గా అద్భుతమైన నటన కనబరిచిన ఎన్టీఆర్ ఈ సినిమాతో మంచి సక్సెస్ అందుకున్నాడు.
రాజమౌళి దర్శకత్వంలో రూపొందిన ఈ సినిమా భారీ బ్లాక్ పాస్టర్ హిట్ అందుకుంది. అయితే రాజమౌళి – ఎన్టీఆర్ కాంబినేషన్లో వచ్చిన మొదటి సినిమా స్టూడెంట్ నెంబర్ 1. 27 సెప్టెంబర్ 2001న రిలీజ్ అయిన ఈ సినిమా ఫస్ట్ షో తోనే సూపర్ డూపర్ హిట్ టాక్ అందుకుంది. ఎం. ఎం కీరవాణి సంగీతంతో రూపొందిన పాటలు అన్నీ కూడా హిట్ అయ్యాయి. ఈ సినిమా 42 కేంద్రాల్లో 100 రోజులు ఆడి రికార్డ్స్ సృష్టించింది. అయితే అప్పుడే విడుదలైన మెగాస్టార్ చిరంజీవి డాడీ మూవీ మాత్రం స్టూడెంట్ నెంబర్ 1 సినిమాతో నిలవలేకపోయింది.
మొద‌ట యావరేజ్ టాక్ అందుకున్న ఈ మూవీ.. ఎన్టీఆర్ సినిమా దూసుకుపోవడంతో ఊహించిన సక్సెస్ అందుకోలేకపోయింది. డాడీ మూవీ ని ప్రేక్షకులు లైట్ తీసుకున్నారు. అప్పట్లో విడుదలైన ఈ సినిమా రాజమౌళికి మొదటి సినిమా కావడం విశేషం. మొదటి సినిమాతోనే సూపర్ డూపర్ హిట్ అందుకున్న రాజమౌళి అప్పటినుంచి ఇప్పటివరకు ఇండస్ట్రీలో ఫెయిల్యూర్ అనేది లేకుండా కొనసాగుతున్నాడు.