పాలతో తయారు చేసే పదార్థాలలో చీజ్ కూడా ఒకటి. చీజ్ను మనం విరివిగా వాడుతూ ఉంటాము. చీజ్ తో పిజ్జా, బర్గర్, చీజ్ దోస, పాస్తా వంటి ఆహార పదార్థాలను తయారు చేస్తూ ఉంటాము. చీజ్ తో తయారు చేసే ఆహార పదార్థాలు చాలా రుచిగా ఉంటాయి. అలాగే చీజ్ కూడా మన ఆరోగ్యానికి ఎంతో మేలు చేస్తుంది. చీజ్ను తగిన మోతాదులో తీసుకోవడం వల్ల మనం అనేక ఆరోగ్య ప్రయోజనాలను పొందొచ్చు.
చీజ్ ను మితంగా తీసుకోవడం వల్ల కలిగే ఆరోగ్య ప్రయోజనాల గురించి ఇప్పుడు తెలుసుకుందాం. చీజ్ లో క్యాల్షియం ఎక్కువగా ఉంటుంది. ఇది ఎముకలను దృఢంగా, ఆరోగ్యంగా ఉంచడంలో సహాయపడుతుంది. చీజ్ను ఎక్కువగా తీసుకోవడం వల్ల ఎముకల సమస్యలు, ఎముకల విరిగిపోవడం వంటి సమస్యలు రాకుండా ఉంటాయి. అలాగే చీజ్‌లో ప్రోటీన్ ఎక్కువగా ఉంటుంది.
కండరాలను ఆరోగ్యంగా ఉంచడంలో, దేహ ఉత్పత్తికి ప్రోటీన్ ఎంతో దోహదపడుతుంది. అంతేకాకుండా చీజ్‌లో విటమిన్ బి12, విటమిన్ ఎ, పొటాషియం వంటి ఎన్నో పోషకాలు ఉంటాయి. ఇవి చక్కటి ఆరోగ్యాన్ని అందించడంలో, శరీరంలో రోగనిరోధక శక్తిని పెంచడంలో సహాయపడతాయి. అందువల్ల రోజు చీజ్ తినడం చాలా మంచిది.