ఇండియన్ సినీ ఇండస్ట్రీలో టాలీవుడ్ హీరోలు.. తమ సినిమాలతో ఏ రేంజ్ లో సెన్సేషన్లు సృష్టిస్తున్నారో ప్రత్యేకంగా చెప్పాల్సిన అవసరం లేదు. కేవ‌లం టాలీవుడ్ దర్శకుల్ని కాదు.. ఇతర ఇండస్ట్రీలో దర్శకులతోను సినిమాలు లైన్లో పెట్టుకుంటూ పాన్‌ ఇండియా లెవెల్లో స్ట్రాంగ్‌గా జెండా పాతుకునేందుకు ప్లాన్స్ చేస్తున్నారు. అలా.. ప్రస్తుతం మన టాలీవుడ్ ఇండస్ట్రీలో స్టార్ హీరోలుగా రాణిస్తున్న వారందరి చేతిలోనూ.. నాలుగైదు సినిమాలు ఉన్నాయి. ఇంతకీ ఏ స్టార్ హీరో లైనప్ ఏ రేంజ్ లో ఉంది ఒకసారి చూద్దాం.
ప్రభాస్:
ఇప్పటికే ప్రభాస్ చేతిలో అరడజలకు పైగా సినిమాలు ఉన్నాయి. రాబోయే 5,6 సంవత్సరాలకు సరిపడా డేట్స్ కూడా ఫిక్స్ చేసుకున్నాడు ప్రభాస్. ప్రస్తుతం ఆయన చేస్తున్న రేంజ్ లో సినిమాలు మరెవరో చేయడం లేదు అనడంలో సందేహం లేదు. ఇక త్వరలోనే రాజాసాబ్‌ సినిమాతో ఆడియోస్ని పలకరించనున్నాడు. దీని తర్వాత ఫౌజీ, స్పిరిట్, అలాగే.. సలార్ 2, కల్కి 2 సినిమాలు లైన్లో ఉన్నాయి. ప్రశాంత్ వ‌ర్మతో మరో ప్రాజెక్ట్ చేయనున్నాడని సమాచారం.
ఎన్టీఆర్:
ప్ర‌జంట్ ప్రశాంత్ నీల్‌తో డ్రాగ‌న్‌లో ప‌టిస్తున్న తార‌క్‌.. అ మూవీ తర్వాత త్రివిక్ర‌మ్ డైరెక్షన్లో గాడ్ ఆఫ్ వార్.. సెట్స్‌లో అడుగు పెట్టనున్నాడట. ఇక సినిమా తర్వాత.. తమిళ్ డైరెక్టర్ నెల్సన్ డైరెక్షన్లో మరో సినిమా చేయనున్నట్లు తెలుస్తుంది. అంతేకాదు.. ఆయన లేనప్‌లో ఇప్పటికే దేవర సీక్వెల్ ఉండనే ఉంది.
రామ్ చరణ్:
ప్రస్తుతం బుచ్చిబాబు సనా డైరెక్షన్లో పెద్ది సినిమా షూట్ లో బిజీగా గడుపుతున్నాడు చరణ్.. ఈ సినిమా తర్వాత సుకుమార్ డైరెక్షన్లో ఆర్సి 17 సినిమా సెట్స్ పైకి రానుంది. అంతేకాదు.. త్వరలోనే సందీప్ రెడ్డి వంగ డైరెక్షన్లో కూడా ప్రాజెక్టులో నటించిన ఉన్నాడని సమాచారం.
మహేష్ బాబు:
ప్రస్తుతం మహేష్ బాబు చేతిలో ఉన్నాయి ఏకైక మూవీ వారణాసి. రాజమౌళి డైరెక్షన్లో తెర‌కెక్క‌నున్న ఈ సినిమా 2027 వరకు సెట్స్ పైనే ఉండనుంది. అయితే.. ఈ ఒక్క సినిమా చాలు సక్సెస్ అయితే మహేష్ బాబుకు 5,6 సూపర్ హిట్ సినిమాలు పడినంత రేంజ్ లో ఇమేజ్ క్రియేట్ అవుతుంది.
అల్లు అర్జున్:
ఐకాన్‌ స్టార్ అల్లు అర్జున్.. అట్లీ డైరెక్షన్లో ఏఏ 22 సినిమాలో బిజీగా గడుపుతున్న సంగతి తెలిసిందే. ఈ సినిమా తర్వాత.. మలయాళ స్టార్ డైరెక్టర్ బాసిల్ జోసెఫ్ తో, అలాగే తమిళ్ డైరెక్టర్ లోకేష్ క‌న‌క రాజ్‌తో, కన్నడ డైరెక్టర్ – ప్రశాంత్ నీల్‌తో సినిమాలు చేయడానికి చర్చలు కొనసాగుతున్నాయని.. అయితే ఇంకా ప్రాజెక్ట్ మాత్రం లాక్ కాలేదంటూ తెలుస్తుంది.
పవన్ కళ్యాణ్:
ప్రస్తుత రాజకీయాల్లో బిజీగా గ‌డుపుతూనే.. మరోపక్క సినిమాలోను రాణిస్తున్న పవన్ కళ్యాణ్.. త్వరలోనే ఉస్తాద్‌ భగత్ సింగ్ తో ఆడియన్స్‌ను పలకరించనున్నాడు. ఇక ఓజీ సీక్వెల్ కూడా లైనప్‌లో ఉండనే ఉంది. అంతేకాకుండా.. రామ్ తాళ్లూరి, కెవిఎన్ ప్రొడక్షన్ బ్యాన‌ర్‌లో సినిమాలు చేయడానికి పవన్ ఇప్పటికే గ్రీన్ సిగ్నల్ ఇచ్చేశాడు.