తమిళ్ స్టార్ హీరోల్లో ఒకరైన కార్తీ.. ఆయన నటించిన డబ్ సినిమాలతో తెలుగు ప్రేక్షకులు కూడా దగ్గరయ్యారు. వంశీ పైడిపల్లి డైరెక్షన్లో వచ్చిన ఊపిరి సినిమాతో తెలుగులో మంచి గుర్తింపును సంపాదించుకున్నాడు. ఇటీవలే మణిరత్నం డ్రీమ్ ప్రాజెక్ట్ అయిన `పోనియన్ సెల్వన్` సినిమాలో కార్తీ నటించి ప్రేక్షకుల ముందుకు వచ్చాడు. ఈ సినిమా తెలుగులో ఆశించిన రీతిలో ఆదరణ లెక్కించకపోయినా తమిళనాడు రికార్డ్ బ్రేక్ చేసింది.
`పోనియన్ సెల్వన్` తో మంచి రెస్పాన్స్ అందుకున్న కార్తీ మరో సినిమాతో ప్రేక్షకులను అలరించడానికి సిద్ధమవుతున్నాడు. హీరో కార్తీగా అభిమన్యుడు ఫేమ్ దర్శకుడు పీఎస్ మిత్ర డైరెక్షన్లో `సర్దార్` సినిమా వస్తుంది. ప్రిన్స్ పిక్చర్స్ బ్యానర్ పై ఎస్ లక్ష్మణ్ కుమార్ నిర్మిస్తున్న `సర్దార్` సినిమా అక్కినేని నాగార్జున అన్నపూర్ణ స్టూడియోస్ తెలుగు రాష్ట్రాల్లో విడుదల చేయనుంది. ఈ సినిమాలో రాసి కన్నా, రజిష విజయన్, చుంకీ పాండే తదితరులు కీలకపాత్రలను పోషించారు.
రీసెంట్గా విడుదలైన ఈ సినిమా టీజర్ కి అన్ని వర్గాల ప్రేక్షకుల నుండి మంచి రెస్పాన్స్ అందుకుంది. టీజర్ లో కార్తీ ఆరు డిఫరెంట్ గెటప్పులు మరియు బ్రిలియంట్ పెర్ఫార్మెన్స్, వైవిద్యమైన కథపై ప్రేక్షకులలో భారీ అంచనాలు నెలకొన్నాయి. భారీ నిర్మాణ విలువలు ఉన్న ఈ సినిమా కోసం అభిమానులు ఎంతగానో ఆసక్తి చూపిస్తున్నారు. సర్దార్ సినిమా ఈ దీపావళికి తెలుగు తమిళం థియేటర్లో రిలీజ్ అయి సందడి చేయనున్నది. ఇక ఈ సినిమా రిలీజ్ డేట్ లాక్ అయ్యిందని.. ఆరు గెటప్స్ తో త్వ‌ర‌లో కార్తీ విధ్వంసం సృష్టించబోతున్నాడని వార్తలు వినిపిస్తున్నాయి. భారీ అంచనాల నడుమ రిలీజ్ అయ్యే ఈ సినిమా ఎలాంటి విజయాన్ని అందుకుంటుందో చూడలి.
