కమల్ హాసన్ కూతురు, స్టార్ హీరోయిన్ శ్రుతిహాసన్ గురించి ప్రత్యేకంగా పరిచయాలు అవసరం లేదు. ఇటీవలె క్రాక్, వకీల్ సాబ్ వంటి భారీ బ్లాక్ బస్టర్ హిట్లను ఖాతాలో వేసుకుని మంచి జోరు మీద ఉన్న ఈ భామ.. ప్రస్తుతం ప్రభాస్ సరసన సలార్ చిత్రంలో నటిస్తోంది.
ఇక మరికొన్ని ప్రాజెక్ట్స్ను కూడా అంగీకరించిన శ్రుతిహాసన్.. త్వరలోనే తన చెల్లెలు అక్షర హాసన్ దర్శకత్వంలో ఓ సినిమా చేయబోతోందట. ఈ విషయాన్ని స్వయంగా శ్రుతినే తెలిపింది. సోషల్ మీడియాలో యాక్టివ్గా ఉండే ఈ బ్యూటీ.. తాజాగా తన ఫాలోవర్స్తో ముచ్చట్లు పెట్టింది.
ఈ క్రమంలోనే తన చెల్లెలు అక్షర హాసన్ కు దర్శకత్వం రంగంలో రాణించాలనే కోరిక ఉందని.. ప్రస్తుతం ఆ వైపుగానే అడుగు వేస్తుందని తెలిపింది. ఆమె దర్శకత్వం వహిస్తే తనకు సరిపడా కథ అందిస్తే.. తప్పకుండా నటిస్తానని తెలిపింది శృతి. మరి చెల్లెలి దర్శకత్వంలో శ్రుతిహాసన్ సినిమా ప్రకటన త్వరలోనే ఉంటుందా.. లేదా.. అన్నది చూడాలి.