పాన్ ఇండియ‌న్‌ స్టార్ హీరోగా ప్రభాస్ దూసుకుపోతున్న సంగతి తెలిసిందే. బాహుబలి 2 తరువాత వరుస పరాజయాలను ఎదుర్కొన్న ప్రభాస్.. గతేడాది రిలీజ్ అయినా సలార్‌తో సక్సెస్ ట్రాక్‌ఎక్కాడు. ఇటీవల రిలీజ్ అయిన కల్కి 2898ఏడి తో రూ. వెయ్యి కోట్ల కలెక్షన్లను రాబట్టి మరోసారి బ్లాక్ బ‌స్టర్ సక్సెస్ అందుకున్న ప్రభాస్.. ఇప్పుడు ఆ ఆనందాన్ని ఎంజాయ్ చేస్తున్నాడు. ఈ క్రమంలో ప్రభాస్ నుంచి నెక్స్ట్ రాబోయే సినిమాపై ప్రేక్షకుల్లో మంచి అంచనాలు ఉన్నాయి. ఇక ప్రస్తుతం ప్రభాస్.. మారుతి డైరెక్షన్‌లో ది రాజా సబ్ సినిమా నటిస్తున్న సంగతి తెలిసిందే.
ఇందులో మాళవిక మోహన్ హీరోయిన్‌గా నటిస్తోంది. ఇప్పటికే ఈ సినిమా నుంచి రిలీజైన పోస్టర్ ప్రేక్షకులను విపరీతంగా ఆకట్టుకుంది. దీంతో మరోసారి రాజాసాబ్ టీమ్ నుంచి అభిమానులకు స్పెషల్ గిఫ్ట్ రానుంది. రాజా సాబ్ మూవీ నిర్మాణ సంస్థ పీపుల్ మీడియా ఫ్యాక్టరీ ఈ విషయాన్ని అఫీషియల్ గా అనౌన్స్ చేసింది. జూన్ 29(ఈ రోజు) సాయంత్రం ఐదు గంటలకు.. రాజాసాబ్ పాన్ ఇండియా గ్లింప్స్‌ను రిలీజ్ చేయనున్నట్లు మేకర్స్ ప్రకటించారు.
ఈ మూవీలో ప్రభాస్ ఎలా ఉండబోతున్నాడని ఆసక్తి ప్రేక్షకుల్లో.. సినిమా ప్రారంభమైన దగ్గర నుంచే నెలకొంది. ఇప్పుడు ఓ స్పెషల్ వీడియోతో అభిమానులను అలరించేందుకు మేకర్స్ సిద్ధమవుతున్నారట. ఇక ఈ గ్లింప్స్ గురించి సమాచారం అందిస్తూ మేకర్స్ రిలీజ్ చేసిన పోస్టర్ మరింత కలర్ ఫుల్ గా ఆకట్టుకుంటుంది. ఇందులో ప్రభాస్ లుక్స్ స్టైలిష్ గా కనిపించడమే కాదు.. సినిమాపై మరింత అంచనాలను పెంచేస్తున్నాయి. ఇక ఈ సినిమాతో సలార్, కల్కి సినిమాల లాగానే డార్లింగ్ మరోసారి బ్లాక్ బ‌స్టర్ అందుకుంటాడో.. లేదో.. వేచి చూడాలి.