అక్కినేని వారి కోడలు సమంత అంటే తెలియని వారు ఉండరు. నాగ చైతన్యను పెళ్లాడిన తర్వాత కూడా కెరీర్ను సక్సెస్ ఫుల్గా రన్ చేస్తున్న సమంత.. ప్రస్తుతం సినిమాలతో పాటుగా వెబ్ సిరీస్లు కూడా చేస్తోంది. మరోవైపు సోషల్ మీడియాలోనూ యమా యాక్టివ్గా ఉండే సమంత.. ఎప్పటికప్పుడు ఏదో ఒక విషయాన్ని అప్డేట్ చేస్తూ ఉంటుంది.
ఈ నేపథ్యంలోనే ఆమె ఫాలోవర్స్ సంఖ్య కూడా రోజురోజుకు పెరిగిపోతోంది. ఇదిలా ఉంటే.. తాజాగా సమంత చేసిన పనికి అభిమానులు మరియు నెటిజన్లు అయోమయంలో పడ్డారు. పూర్తి వివరాల్లోకి వెళ్తే.. పెళ్లి తర్వాత తన ఇన్ స్టా గ్రామ్, ట్విట్టర్ ఖాతాల్లో తన పేరుని సమంత అక్కినేనిగా పెట్టుకుంది.
అయితే ఏమైందో ఏమో గానీ తాజాగా.. అక్కినేని అనే పేరును తొలిగించి `ఎస్` అనే లెటర్ ని మాత్రమే పెట్టింది. దాంతో సమంత ఉన్నట్టు ఉండి ఎందుకు అక్కినేని పేరును తొలిగించిందా? అని నెటిజన్లు సందేహాలు వ్యక్తం చేస్తున్నారు. మరి సాధారణంగానే పేరును మార్చిందా లేక ఏదైనా ప్రమోషన్ లో భాగంగా అన్నది తెలియాల్సి ఉంది.