టాలీవుడ్ ఐకాన్ స్టార్ అల్లు అర్జున్ చిన్న సినిమాలతో కెరీర్ ప్రారంభించి.. ప్రస్తుతం పాన్ ఇండియా లెవెల్లో దూసుకుపోతున్న సంగతి తెలిసిందే. కెరీర్ ప్రారంభంలో లుక్స్, న‌ట‌న విషయంలో ఎన్నో ట్రోల్స్, నెగిటివ్ కామెంట్స్ ను ఎదుర్కొన్న అల్లు అర్జున్.. ఇప్పుడు వాళ్ళతోనే శభాష్ అనిపించుకున్నాడు. ప్రస్తుతం ఆయన లుక్స్ కు ఫిదా అవ్వని ఆడియన్స్ ఉండరు అనడంలో సందేహం లేదు. ఇక నటనతో పాటు.. ప్రత్యేకమైన స్టైల్ తో వినతమైన పాత్రలను ఎంచుకుంటూ ఆడియన్స్‌కు కనెక్ట్ అయ్యేలా సినిమా నటిస్తూ వస్తున్నాడు. ఈ క్రమంలోనే సౌత్ ఇండస్ట్రీలో మంచి ఇమేజ్ను క్రియేట్ చేసుకున్న ఆయన.. పుష్ప ది రైజ్ సినిమాతో పాన్ ఇండియా లెవెల్లో సక్సెస్‌లు అందుకున్నాడు. ఇక ఈ సినిమాతో ఏ రేంజ్ లో ఇమేజ్ క్రియేట్ చేసుకున్నాడో ప్రత్యేకంగా చెప్పాల్సిన అవసరం లేదు.
మలయాళ, హిందీ, తమిళ్, కన్నడ భాషల్లో ప్రేక్షకులు ఆకట్టుకున్న ఆయన.. దాదాపు రెండు నెలల గ్యాప్ తర్వాత వచ్చిన పుష్ప 2 ది రూల్‌తో నేషనల్ కాదు.. ఇంటర్నేషనల్ లెవెల్ ఇమేజె సొంతం చేసుకున్నాడు. బాక్స్ ఆఫీస్ దగ్గర ఏకంగా రూ.1800 కోట్లకు పైగా కలెక్షన్లు కొల్లగొట్టి సునామీ సృష్టించాడు. ఈ క్రమంలోనే పాన్ ఇండియా రేంజ్ లో అల్లు అర్జున్ పేరు మారు మోగిపోయింది. దీంతో.. ఆయనతో సినిమా చేయాలని ఎంతో మంది టాప్ దర్శకుల సైతం క్యూ కట్టారట. అలా.. అల్లు అర్జున్ ను సంప్రదించిన దర్శకులు లిస్ట్ చాలా పెద్దది అంటూ టాక్‌ వైరల్‌గా మారుతుంది.
ఈ లిస్ట్‌లో బాలీవుడ్ లెజెండ్రీ డైరెక్టర్ సంజయ్ లీలా బన్సాలి నుంచి.. కన్నడ ఇండస్ట్రీలో ప్రశాంత్ నీల్‌, తమిళ్ ఇండస్ట్రీలో లోకేష్ కనకరాజ్‌, మలయాళ స్టార్ డైరెక్టర్ బాసిల్ జోసెఫ్.. ఇక టాలీవుడ్ నుంచి అయితే సందీప్ రెడ్డివంగా, త్రివిక్రమ్ శ్రీనివాస్, బోయపాటి శ్రీను ఇలా ఎంతోమంది స్టార్ దర్శకులు కథలను వినిపించారట. ఆయనతో ఒక్క సినిమా చేయాలని అప్రోచ్ అయ్యారట. వీళ్లంతా కేవలం అఫీషియల్ గా వినిపిస్తున్న పేర్లు మాత్రమే.. వీళ్ళు కాకుండా ఇంకా ఎంతోమంది అల్లు అర్జున్ కు కథలు వినిపించారని.. ఆయనతో సినిమా చేయడానికి ప్రయత్నాలు చేశారంటూ సమాచారం. ఇక ప్రస్తుతం ఇదే న్యూస్ నెట్టుంటే వైరల్ అవ్వడంతో.. అల్లు అర్జున్ ఫ్యాన్స్ ఆనందాన్ని వ్యక్తం చేస్తున్నారు. ఒక్క తెలుగు స్టార్ హీరో సినిమా కోసం ఇంతమంది స్టార్ దర్శకులు లైన్లో నిలబడితే ఆ కిక్కే వేరని.. అది కేవలం మా బన్నీ అన్నకే సాధ్యమంటూ అభిప్రాయాలు వ్యక్తం చేస్తున్నారు.