నందమూరి నట‌సింహం బాలయ్య ప్రస్తుతం కెరీర్ పరంగా మంచి ఫామ్ లో దూసుకుపోతున్న సంగతి తెలిసిందే. వరుస సినిమాలను లైనప్‌లో పెట్టుకుంటూ బిజీగా గడుపుతున్న బాలయ్య.. ఇటీవల అవార్డు వేడుకల్లో పాల్గొని సందడి చేశాడు. ఈ కార్యక్రమంలో భాగంగా ఆయన మాట్లాడుతూ తెలుగు ఇండస్ట్రీలో తన కోస్టార్స్ అయినా వెంకటేష్, చిరంజీవి, నాగార్జున గురించి ఎన్నో ఇంట్రెస్టింగ్ విషయాలను షేర్ చేసుకున్నాడు. ఈ అవార్డు వేడుకలలో బాలీవుడ్ ప్రొడ్యూసర్ యాక్టర్ అయినా కరణ్ జోహార్ బాలయ్య‌కు ఇంట్రెస్టింగ్ క్వశ్చన్ సంధించాడు.
బాలయ్యతో కరణ్ మాట్లాడుతూ.. టాలీవుడ్ ఇండస్ట్రీలో స్టార్ హీరోలుగా ఉన్న చిరంజీవి, నాగార్జున, వెంకటేష్ ఈ హీరోలలో మీ ఫేవరెట్ హీరో ఎవరు అంటూ ప్రశ్నించాడు. దీనికి బాలయ్య రియాక్షన్ అందరినీ ఆకట్టుకుంటుంది. తనకు ఇష్టమైన హీరో పేరు చెప్పకుండానే క‌ర‌ణ్‌కు స్ట్రాంగ్ పంచ్ వేశాడు. సల్మాన్, షారుక్, అమితాబ్ లో మీ ఫేవరెట్ హీరో ఎవరు అంటూ కరణ్‌ను తిరిగి ప్రశ్నించాడు. దీంతో ఈవెంట్లో నవ్వులు పూసాయి.
ఈ క్రమంలోనే వీడియో నెటింట వైరల్ గా మారడంతో.. బాలయ్య పంచులకు ఫిదా అవుతున్నారు ఫ్యాన్స్‌. ఆయన టైమింగ్ వేరే లెవెల్ అంటూ కామెంట్లో చేస్తున్నారు. ఇక ప్రస్తుతం బాలయ్య భగవంత్‌ కేసరి బ్లాక్ బస్టర్ తో హ్యాట్రిక్ కొట్టి ఫామ్ లో ఉన్న సంగతి తెలిసిందే. ఈ క్రమంలోనే బాబి డైరెక్షన్లో తన 109వ సినిమాలో బిజీగా గడుపుతున్నాడు. ఈ సినిమా సంక్రాంతి కానుకగా రిలీజ్ కానుంది. అయితే ఇప్పటివరకు సినిమా టైటిల్ ఫిక్స్ చేయలేదు. ఎన్బికె 109 రన్నింగ్ టైటిల్ తో సినిమా షూట్ను పూర్తి చేస్తున్నారు టీం.