ఒకప్పుడు బాలీవుడ్ ఇండస్ట్రీలో స్పెషల్ సాంగ్స్‌కు కేరాఫ్ అడ్రస్‌గా నిలిచిన మల్లికా శరావత్‌కు ప్రత్యేక పరిచయాలు అవసరం లేదు. అప్పట్లో వరుస సినిమాలతో బిజీగా గడిపిన ఈ ముద్దుగుమ్మ.. ఇప్పుడు సినిమాలకు దూరంగా ఉంటుంది. చాలా కాలంగా సినీ ఇండస్ట్రీకి దూరమైన ఈ అమ్మడు.. ఇంత కాలం గ్యాప్ తర్వాత ఇన్నాళ్లకు.. విక్కీ విద్యా కా వో వాలా వీడియోతో ప్రేక్షకుల ముందుకు రానుంది. ఈ క్రమంలోనే మొదట్లో తను ఎదుర్కొన్న చేదు అవమానాలను అభిమానులతో షేర్ చేసుకుంది. సినీ రంగంలో ఎదుర్కొన్న వేధింపుల గురించి బయట పెట్టింది.
షూటింగ్ కోసం మల్లికా దేశ, విదేశాలకు వెళ్లానని.. అయితే ఓ షూటింగ్ కోసం మూవీ టీం కలిసి దుబాయ్ వెళ్ళాక.. భారీ బడ్జెట్ మూవీ కావడంతో కొద్ది రోజులు అక్కడే ఉండాల్సి వచ్చిందని.. ఆ సమయంలో ఓ స్టార్ హీరో.. తనను వేధించాడు అంటూ వెల్లడించింది. దుబాయ్ లో పెద్ద మూవీ షూటింగ్లో పాల్గొన్నానని.. ఆ మూవీలో చాలామంది స్టార్స్ ఉన్నారు. ఈ సినిమా జనాలకు కూడా విపరీతంగా నచ్చింది. అప్పట్లో బ్లాక్ బస్టర్గా నిలిచింది. అందులో నేను కామెడీ రోల్ ప్లే చేశా. అక్క‌డివరకు అంతా బాగున్నా. ఆ హీరో అర్ధరాత్రి వచ్చి నా గది తలుపులు కొట్టేవాడు. అతడు తలుపు బద్దలు కొడతాడేమోనని భయపడిపోయా.
గట్టిగా తలుపులు కొడుతుంటే.. గది తలుపులు ఓపెన్ కాకూడదని కోరుకునేదాన్ని. ఆ ఘటన తర్వాత మళ్లీ ఎప్పుడు ఆ హీరోతో కలిసి పనిచేయలేదు అంటూ మల్లిక చెప్పుకొచ్చింది. అయితే ఇండస్ట్రీలో తనకు ఇలాంటి చేదు అనుభవాలు కొత్తమీ కాదు. ఇలాంటి ఘటనలు చాలానే జరిగాయి అంటూ చెప్పుకొచ్చిన ఈ ముద్దుగుమ్మ.. హీరో పేరు బయట పెట్టడానికి ఇష్టపడలేదు. విక్కీ విద్యాకో వో వాలా వీడియో అక్టోబర్ 11న ఆడియన్స్ ముందుకు రానుంది. కొన్నాళ్ల తర్వాత మళ్లీ హిందీలో మల్లికా కనిపించనుంది. ఇందులో త్రిప్తి, రాజకుమార్ రావు ప్రధాన పాత్రల్లో కనిపించనున్నారు.