టాలీవుడ్ పవర్ స్టార్ పవన్ కళ్యాణ్ ప్రస్తుతం ఏపీ డిప్యూటీ సీఎం గా పగ్గాలు చేపట్టి బిజీగా గ‌డుపుతున్న సంగతి తెలిసిందే. ఓ పక్కన రాజకీయాల్లో రాణిస్తూనే.. మరో పక్కన సినిమాల్లోనూ బిజీ అవుతున్నాడు పవన్. ప్రస్తుతం ఆయన చేతిలో మూడు ప్రాజెక్టులు ఉన్న సంగతి తెలిసిందే. ఇప్పటికే సినిమా షూటింగ్స్ పెండింగ్ పడడంతో.. ఇటీవల సినిమా సెట్స్‌లోకి అడుగు పెట్టాడు. అలా పవన్ కళ్యాణ్ నటిస్తున్న సినిమాలలో హరిహర వీరమల్లు ఒకటి.
నిధి అగర్వాల్ హీరోయిన్గా.. జ్యోతి కృష్ణ డైరెక్షన్ల రూపొందుతున్న ఈ సినిమాపై ప్రేక్షకుల్లో ఇప్పటికే మంచి అంచనాలు నెల‌కొన్నాయి. ఈ క్రమంలోనే సినిమాకు సంబంధించి ఏ చిన్న అప్డేట్ వచ్చినా బాగుంటుందని అభిమానులంతా కళ్ళు కాయలుకాచేలా ఎదురుచూస్తున్నారు. అయితే ఈ దీపావళి కానుకగా ఫస్ట్ సింగల్‌ని రిలీజ్ చేస్తాం అంటూ మేకర్స్ ప్రామిస్ చేసిన సంగతి తెలిసిందే. కాగా.. తాజాగా ఈ సాంగ్ విషయంలో పవర్ స్టార్ ఫ్యాన్స్ కు పెద్ద డిసప్పాయింట్మెంట్ తప్పదంటూ ఓ న్యూస్ వైర‌ల్ అవుతుంది.
ఇంతకీ ఆ డిసప్పాయింట్ మరి ఏదో కాదు దీపావళికి సినిమా నుంచి ఫస్ట్ సింగిల్ రావడం కుదరదట. ఇది నిజంగానే పవర్ స్టార్ ఫ్యాన్స్ నిరాశపరిచే వార్తే అనడంలో అతిశయోక్తి లేదు. పవన్ అయితే సాంగ్‌ను పాడేసారని టాక్‌ ఉన్నా ఇతర పనుల విషయంలో మేకర్స్ నుంచి ఎలాంటి అప్డేట్ రాకపోవడంతో.. ఈ సాంగ్ నేడు రిలీజ్ చేయడం కుదరదని తెలుస్తుంది. ఇక ఈ సాంగ్ రిలీజ్ అవుతుందో.. లేదో.. మేకర్స్ ఎలాంటి అప్డేట్ అందిస్తారో వేచి చూడాలి.