టాలీవుడ్ నంద‌మూరి నట‌సింహం బాలకృష్ణ, బోయపాటి కాంబోలో రూపొందుతున్న మోస్ట్ అవైటెడ్ మూవీ అఖండ 2 తాండవం. అఖండ లాంటి బ్లాక్ బస్టర్ సినిమాకు సీక్వెల్ కావ‌డం.. బోయపాటి, బాలయ్య కాంబోలో తెర‌కెక్కుతున్న క్రమంలో ఈ సినిమాపై ఇప్పటికే ఆడియన్స్‌లో పిక్స్ లెవెల్ అంచనాలు నెలకొన్నాయి. దానికి తగ్గట్టుగానే సినిమా నుంచి రిలీజ్ అయిన టీజర్, ట్రైలర్ అయితే అద్భుతమైన రెస్పాన్స్ని దక్కించుకుంటున్నాయి. ఇక.. కొద్ది గంటల క్రితం సినిమా ఫ్రీ రిలీజ్ ఈవెంట్ గ్రాండ్ లెవెల్‌లో నిర్వహించారు. ఈ వేడుకకు.. మూవీ టీంతో పాటు.. పలువురు సినీ ప్రముఖులు హాజరై సందడి చేశారు.
అయితే.. ఈ ఈవెంట్లో అందరి దృష్టిని ఆకట్టుకున్న వ్యక్తి ఎవరైనా ఉన్నారంటే నటి హర్షాలి అనే చెప్పాలి. అఖండ 2 లో.. బాలయ్య కూతురు పాత్రలో నటించిన ఈ అమ్మడు.. ఈవెంట్ మొత్తంలో చాలా స్పెషల్ అట్రాక్షన్ గా నిలిచింది. అఖండ 2 మొత్తం.. కూతురు పెద్దయిన తర్వాత జరిగే కథ అట. అయితే ఈ పాత్ర కోసం బాలీవుడ్ నటి హర్షాలి మల్హోత్రాను సెలెక్ట్ చేసుకున్నారు టీం. హర్షాలి.. సల్మాన్ ఖాన్ నటించిన బజరంగి భాయిజాన్ సినిమా చైల్డ్ ఆర్టిస్ట్ ఈ సినిమాతో ఎంట్రీ ఇచ్చింది. బాలీవుడ్ లో మంచి ఇమేజ్ను క్రియేట్ చేసుకున్న హర్షాలీ.. ప్రేక్షకులను మెప్పించింది. సినిమాలో అమ్మడి నటనకు మహారాష్ట్ర ప్రభుత్వం అవార్డు కూడా ఇచ్చింది.
ఇప్పుడు.. మళ్లీ అఖండ 2తో పదేళ్ల తర్వాత ఆడియన్స్‌ను పలకరించేందుకు సిద్ధమవుతుంది. ఈ క్రమంలోనే.. ఈ సినిమాలో అమ్మడి పాత్ర ఎలా ఉండబోతుంది.. ఏ రేంజ్ లో ఎలివేట్ అవుతుందని ఆసక్తి అందరిలోనూ మొదలైంది. కాగా.. అఖండ తాండవం ఫ్రీ రిలీజ్ ఈవెంట్లో నీలి గాగ్రా ధరించి అందరి దృష్టిని ఆకట్టుకున్న హర్షాలి.. సినిమాలో జనని రోల్ లో మెర‌వ‌నుంది. దాదాపు 10 ఏళ్ల తర్వాత.. అది కూడా టాలీవుడ్‌లో అఖండ 2తో తన అదృష్టాన్ని పరీక్షించుకోవడానికి సిద్ధమైంది హర్షాలి. ఇక.. డిసెంబర్ 5న గ్రాండ్ లెవెల్ లో రిలీజ్ కానున్న ఈ సినిమాతో.. అమ్మడికి ఏ రేంజ్ లో సక్సెస్ వస్తుందో.. ఎంతలా ఇమేజ్ క్రియేట్ అవుతుందో చూడాలి.