అక్కినేని హీరో నాగచైతన్య, సాయి పల్లవి జంటగా నటించిన తాజా మూవీ తండేల్. ఈ సినిమా రిలీజ్ డేట్‌ను మేకర్స్ ఇటీవల అఫీషియల్‌గా ప్రకటించారు. ఈ సందర్భంగా హైదరాబాద్లో ప్రెస్‌మీట్‌ను ఏర్పాటు చేసి సందడి చేసిన మూవీ టీం ఎన్నో ఇంట్రెస్టింగ్ విషయాలను షేర్ చేసుకున్నారు. ఇక ఈ ఈవెంట్‌లో నాగచైతన్య.. సాయి పల్లవి గురించి మాట్లాడుతూ ప్రశంసల వర్షం కురిపించాడు. చందుమొండేటి డైరెక్షన్లో ఈ సినిమాలో నటించడం చాలా ఆనందంగా ఉందంటూ చెప్పుకొచ్చాడు. బన్నీ వాస్‌తో సినిమా చేయాలని ఎప్పటినుంచో అనుకునేవాడిని. ఈ క్రమంలోనే తండేల్ కథ ఆయన దగ్గర ఉందని తెలిసి.. చొరవ తీసుకొని అడిగా. కొన్ని నెలల తర్వాత చందుమొండేటి తో కలిసి, వాస్ నా దగ్గరికి వచ్చారు.
ఇక మూవీ షూట్‌ కొద్ది రోజుల ముందు నుంచే మత్స్యకారులతో సమయాన్ని గడపాం అంటూ నాగచైతన్య చెప్పుకొచ్చాడు. ఇక సాయి పల్లవి గురించి ఆయన మాట్లాడుతూ.. బాక్సాఫీస్ క్వీన్ సాయి పల్లవి. ఆమెతో డ్యాన్స్ చేయడం చాలా కష్టం. త‌న‌తో డ్యాన్స్ చేయాలంటే కాస్త భయంగా ఉండేది. అలాంటి టైంలో సాయి పల్లవి నాకు సపోర్ట్ గా ఉంటూ.. డ్యాన్స్ విషయంలో హెల్ప్ చేసింది అంటూ చెప్పుకొచ్చాడు. ఇక ఎన్నోసార్లు పల్లవి తనకు ఫోన్ చేసి మరి తన సన్నివేశాలతో పాటు.. ఇతరుల క్యారెక్టర్స్ గురించి కూడా చర్చిస్తూ ఉండేదని వెల్లడించాడు. అయితే నాగచైతన్య.. సాయి పల్లవి గురించి మాట్లాడుతూ బాక్సాఫీస్ క్వీన్ అంటూ ట్యాగ్న జాత చేయడం.. ఆడియన్స్ లో ఫుల్ ఆనందాన్ని కల్పించింది. నాగచైతన్య బాక్సాఫీస్ క్వీన్అని పిలవగానే సాయి పల్లవి సిగ్గు పడిపోయింది. మరో పక్కన ఆడిటోరియం కేరింతలతో మారుమోగింది.
ఇక సాయి పల్లవి మాట్లాడుతూ.. చైతన్య గ‌త ఏడాది డిసెంబర్ నుంచి ఇప్పటివరకు తండేల్ ప్రాజెక్ట్ పైన పనిచేస్తున్నారు. వేరే ప్రాజెక్టు గురించి ఆలోచన లేకుండా ఏడాది మొత్తం ఒకే మూవీపై కాన్సెంట్రేట్ చేసి నటిస్తున్నాడు అంటే ఆయనకు ఈ సినిమాపై ఉన్న నమ్మకం ఎలాంటిదో అర్థం చేసుకోవచ్చు. చైతుకి నాలుగు సినిమాలు చేస్తే వచ్చే పేరు ఈ సినిమాతోనే వచ్చేస్తుంది అంటూ సాయి పల్లవి చెప్పుకొచ్చింది. ఇక బాక్స్ ఆఫీస్ కి నేనేమీ క్వీన్ కాదు. వీళ్ళు నన్ను టీస్‌ చేయడానికి అలా మాట్లాడుతుంటారు. స్క్రిప్టు, క్యారెక్టర్ అని న‌చ్చి ప్రేక్షకులు మెచ్చితేనే బాక్సాఫీస్ మాటలు అంటూ సాయి పల్లవి చెప్పుకొచ్చింది. కాగా ఈ సినిమాను వచ్చే ఏడాది ఫిబ్రవరి 7న గ్రాండ్ లెవెల్లో రిలీజ్ చేయనున్నారు. గీత ఆర్ట్స్ టు బ్యానర్ పై ఎంత ప్రతిష్టాత్మకంగా తరికెక్కిన ఈ సినిమాకు అల్లు అరవింద్ సమర్పణలో బన్నీ వాస్ ప్రొడ్యూసర్ గా వ్యవహరించారు. ఇక ఈ మూవీ సినిమా రిలీజ్ ఎలాంటి రిజల్ట్ అందుకుంటుందో వేచి చూడాలి.