నందమూరి కుటుంబం నుంచి బాలయ్య తనయుడు మోక్షజ్ఞతో పాటు.. మరో కొత్త హీరో ఇండస్ట్రీకి ఎంట్రీ ఇవ్వ‌నున్న సంగతి తెలిసిందే. నందమూరి హరికృష్ణ మనవడు.. జానకిరామ్ తనయుడు మూడో ఎన్టీఆర్‌ను హీరోగా వెండితెర‌కు ప‌రచ‌యం చేసేందుకు వైవిఎస్ చౌదరి సిద్ధ‌మ‌య్యారు. స‌రికొత్త క‌థ‌తో ఆడియ‌న్స్‌ను ఆక‌ట్టుకునేలా ఈ సినిమాను రూపొందించనున్నారు. న్యూ టాలెంటెడ్ రోర్స్.. బ్యానర్ పై ఈ సినిమాను వైవిఎస్ చౌదరి భార్య గీత నిర్మిస్తున్నారు. ఇక తాజాగా ప్రెస్ మీట్ ను ఏర్పాటు చేసి మరి.. వైవిఎస్ చౌదరి.. బుల్లి ఎన్టీఆర్ ఫస్ట్ లుక్‌ను రివీల్ చేశాడు. దీంతో ఇప్ప‌టికే ఈ అప్ కమింగ్ హీరోకు నెట్టింట విషెస్ వెల్లువెత్తుతున్నాయి.
ఈ క్రమంలోనే టాలీవుడ్ టైగర్ జూనియర్ ఎన్టీఆర్.. ఆల్ ది బెస్ట్ తెలియజేస్తూ ఇంట్రెస్టింగ్ పోస్ట్ ని షేర్ చేశారు. రామ్ సినీ ప్రపంచంలో నీ మొదటి అడుగుకి నా అభినందనలు. సినీ ప్రపంచం నిన్ను ఆదరించడానికి వెయిట్ చేస్తుంది. నువ్వు చేసే ప్రతి ప్రాజెక్ట్ మంచి సక్సెస్ సాధించాలని భావిస్తున్నా అంటూ చెప్పుకొచ్చాడు. ముత్తాత ఎన్టీఆర్, తాత హరికృష్ణ, నాన్న జానకిరాముల ప్రేమ, ఆశీస్సులు నీకు ఎల్లప్పుడూ ఉంటాయి అంటూ.. నువ్వు ఉన్నత శిఖరాలకు చేరుకుంటావని నమ్మకం ఉంది. నీ భవిష్యత్తు దేదీప్యమానంగా ఉండాలి మై బాయ్ అంటూ ఎన్టీఆర్ ట్విట్ చేశాడు.
ఇక కళ్యాణ్ రామ్.. రామ్‌కు విషెస్ తెలియజేస్తూ.. డియర్ రామ్ నీకు శుభాకాంక్షలు. నువ్వు నీ మొదటి సినిమాతోనే అందరూ గర్వించేలా చేస్తావని నమ్మకం నాకు ఉంది అంటూ ట్విట్ చేశాడు. ఇక వైవిఎస్ చౌదరి మాట్లాడుతూ.. వాగ్దానం, ప్రతిజ్ఞ, ఫ్యాషన్ సీనియర్ ఎన్టీఆర్ ఆశీస్సులతో నందమూరి తారక రామారావు ఇండియన్ సినిమాల్లోకి పవర్ ఫుల్ ఎంట్రీ ఇవ్వనున్నాడు అంటూ చెప్పుకొచ్చారు. ప్రస్తుతం వీరి కామెంట్స్ నెటింట వైరల్ అవ్వడంతో నాలుగో తరం నందమూరి రామ్ సినిమా ఎలా ఉండబోతుందో అనే ఆసక్తి అభిమానుల్లో నెలకొంది.
All the best on the first of many steps Ram. The world of cinema will offer you countless moments to cherish… Wishing you nothing but success! With the Love and blessings of your great grandfather NTR garu, grandfather Harikrishna garu and father Janakiram anna, I’m sure you’ll… pic.twitter.com/Op1jRr6KQ7
— Jr NTR (@tarak9999) October 30, 2024