నందమూరి నటసింహం బాలకృష్ణ, బోయపాటి శ్రీను కాంబినేషన్లో తెరకెక్కుతున్న మోస్ట్ అవైటెడ్ ప్రాజెక్ట్ అఖండ 2 తాండవం. మరో 5 రోజుల్లో గ్రాండ్ లెవెల్లో ఆడియన్స్ను పలకరించేందుకు సిద్ధమవుతుంది. డిసెంబర్ 5న పాన్ ఇండియా లెవెల్లో రిలీజ్ కానున్న ఈ సినిమాకు డిసెంబర్ 4 సాయంత్రం నుంచి ప్రీమియర్ షోస్ పడనున్నాయని.. ఇప్పటికే మేకర్స్ క్లారిటీ ఇచ్చేశారు. ఇక ఈ సినిమాను బాలయ్య కెరీర్ లోనే మొట్టమొదటి 3డీ వర్షన్ సినిమాగా రిలీజ్ చేసేందుకు టీం అంత సిద్ధం చేస్తున్నారు.
ఇక అఖండ లాంటి సెన్సేషనల్ బ్లాక్ బస్టర్కు సీక్వెల్ గా రావడం, బాలయ్య – బోయపాటి హ్యాట్రిక్ కాంబోలో తెరకెక్కుతుండడంతో సినిమాపై ఆడియన్స్ లో మొదటి నుంచి అంచనాలు నెలకొన్నాయి. దానికి తగ్గట్టుగానే ఇప్పటివరకు సినిమా నుంచి రిలీజ్ అయిన ప్రమోషన్ కంటెంట్ ఆడియన్స్ను ఆకట్టుకుంది. ఈ క్రమంలోనే సినిమా హైప్ రీత్యా ఫ్రీ రిలీజ్ బిజినెస్ కూడా భారీ లెవెల్ లో జరిగిందట. ఇంతకీ ఆ బిజినెస్ లెక్కలేంటో.. ఏ ఏరియాలో ఏ రేంజ్ లో అఖండ 2 బిజినెస్ జరుపుకుందో ఒకసారి చూద్దాం.
తాజా సమాచారం ప్రకారం నైజాం – రూ. 27 కోట్లు బిజినెస్ జరగగా.. సీడెడ్ – రూ.24 కోట్లు, ఉత్తరాంధ్ర – రూ.13.50 కోట్లు, ఈస్ట్ – రూ.8.25 కోట్లు, వెస్ట్ – రూ.6.50 కోట్లు, కృష్ణా – రూ.7.00 కోట్లు, గుంటూరు – రూ.9.50 కోట్లు, నెల్లూరు – రూ.4.40 కోట్లు, రెస్టాఫ్ ఇండియా – రూ.8.00 కోట్లు మేరా బిజినెస్ జరుపుకుందని సమాచారం. ఇక ఓవర్సీస్ లో మొత్తం కలిపి ఓవర్సీస్ – 15.00 కోట్ల బిజినెస్ జరిగింది. అలా ఇప్పటివరకు వరల్డ్ వైడ్ గా భారీ బిజినెస్ ను జరుపుకున్న అఖండ 2 ఫైనల్ గా రూ. 123 కోట్లు వరల్డ్ వైడ్ టార్గెట్ తో రంగంలోకి దిగనుంది. ఇక సినిమా ఎలాంటి కలెక్షన్లు కొల్లగొడుతుందో.. ఏ రేంజ్ లో రికార్డులు క్రియేట్ చేస్తుందో చూడాలి.