సినీ ఇండస్ట్రీలో ఒకే రకమైన కథతో సినిమాలు తెర‌కెక్కించి రెండు సినిమాలతో బ్లాక్ బస్టర్ సక్సెస్ అందుకున్న సందర్భాలు చాలానే ఉన్నాయి. కదా ఒకటే అయినా.. స్క్రీన్ ప్లే, డైరెక్షన్లో వైవిద్యత కారణంగా రెండు సినిమాలు మంచి సక్సెస్ అందుకుంటూ ఉంటాయి. అలా తెలుగు సినీ ఇండస్ట్రీలో గతంలో మహేష్ బాబు, రవితేజ ఇద్దరు నటించిన రెండు సినిమాలు కూడా బ్లాక్ బస్టర్ సక్సెస్ అందుకున్నాయి. ఇక ఈ రెండు సినిమాల కథలు ఒకటే అంటూ వార్తలు వైరల్ అవుతున్నాయి. ఇంతకీ ఆ సినిమాలో స్టోరీ ఏంటో.. ఆ సినిమాలు ఏవో ఒకసారి తెలుసుకుందాం. ఒకప్పుడు స్టార్ డైరెక్టర్గా మంచి ఇమేజ్ను క్రియేట్ చేసుకున్న గుణశేఖర్.. మహేష్ బాబుతో గతంలో ఒకడు సినిమా తెర‌కెక్కించిన సంగతి తెలిసిందే.
భూమిక చావ్లా హీరోయిన్గా.. ప్రకాష్ రాజ్ విలన్ పాత్రలో నటించిన ఈ సినిమా ప్రేక్షకులను విపరీతంగా ఆకట్టుకుంది. ఈ సినిమాలో హీరో పాత్రలో ఉన్న మహేష్.. భూమికను ఎప్పటికప్పుడు రక్షిస్తూ ఉంటాడు. మొత్తం కూడా ఎక్కడ తనకోసం తాను మహేష్ ఏది చేసుకోడు భూమికను క్షేమంగా ఉంచడానికి ఆరాటపడుతూ ఉంటాడు. ఇక ఈ సినిమా అప్ప‌ట్లో మంచి సక్సెస్ను అందుకుంది. ఈ సినిమా రిలీజ్ అయినా చాలాకాలం తర్వాత రవితేజ హీరోగా, మీరజాస్మిన్ హీరోయిన్గా బోయపాటి శ్రీ‌ను డైరెక్షన్లో భద్ర మూవీ రూపొందిన సంగతి తెలిసిందే. ఈ సినిమా విషయంలో కూడా దాదాపు అదే కథ రిపీట్ అయింది. రవితేజ కూడా తన విషయం గురించి ఎప్పుడు పట్టించుకోడు.. హీరోయిన్ మీరాజాస్మిన్ క్షేమంగా ఉంచాలని.. త‌ను ఆనందంగా ఉండాల‌ని తాపత్రయ పడుతూ ఉంటాడు.
కేవలం హీరోయిన్‌ను విల‌న్ల నుంచి కాపాడడానికి ప్రయత్నాలు చేస్తూ ఉంటాడు. దాదాపు ఈ రెండు సినిమాలు ఒకే కథాంశంతో తెర‌కెక్కినా.. స్క్రీన్ ప్లే, డైరెక్షన్ లో మార్పులు, చేర్పులు కారణంగా రెండు సినిమాలు బ్లాక్ బస్టర్ సక్సెస్ అందుకున్నాయి. గతంలో ఇదే విషయంపై దిల్ రాజు మాట్లాడుతూ.. ఒకడు సినిమా వచ్చాక భద్ర సినిమాను చేయాలా వద్దా అని చాలా ఆలోచనలు.. అందరిలోనూ సందేహాలు మొదలయ్యాయి. నేను మాత్రమే ఈ సినిమాకు ఆ సినిమాకు స్క్రీన్ ప్లే చాలా వైవిధ్యత ఉంది. అసలు సంబంధమే ఉండదు. కచ్చితంగా భద్ర సినిమా హిట్ అవుతుంది అని ఫిక్స్ అయ్యి సినిమాకు ప్రొడ్యూసర్గా చేశా అంటూ చెప్పుకొచ్చాడు.