మరో వారం రోజుల్లో నందమూరి నట‌సింహం బాలకృష్ణ నటించిన అఖండ 2 తాండవం రిలీజ్‌కు సిద్ధమవుతుంది. బోయపాటి శ్రీను డైరెక్షన్‌లో బాలయ్య హీరోగా తెర‌కెక్కుతున్న 4వ సినిమా కావ‌డం.. ఇప్పటికే వీళ్ల కాంబోలో సింహా,లెజెండ్, అఖండ సినిమాలు వ‌చ్చి బాక్స్ ఆఫీస్ బ్లాక్ బస్టర్‌లుగా నిల‌వ‌డంతో.. అఖండ లాంటి బ్లాక్ బస్టర్ సినిమాకు సీక్వెల్ గా అఖండ 2 రూపొందుతుండడంతో ఆడియన్స్ లో ఈ మూవీ పై అంచనాలు పిక్స్ లెవెల్‌కు చేరుకున్నాయి. ఇక.. ఇప్పటివరకు సినిమా నుంచి రిలీజ్ అయిన ప్రమోషనల్ కంటెంట్స్ అయితే.. ఆడియన్స్‌ను మెప్పించింది. అంతేకాదు.. సినిమాతో బాలయ్య మొదటిసారి పాన్‌ ఇండియా లెవెల్ ఆడియన్స్‌ను పలకరించేందుకు సిద్ధమవుతున్నాడు.
ఇక బాలయ్య కెరీర్‌లోనే మొట్టమొదట 3డి వర్షన్‌ మూవీగా.. అఖండ రూపంద‌డం విశేషం. ఇక.. సినిమా రిలీజ్‌కు మరి కొద్ది రోజుల సమయం ఉండడంతో.. ఇప్పటికే ప్రమోషన్స్‌లో సందడి చేస్తున్నారు టీం. అయితే.. తాజాగా ఈ సినిమా సెన్సార్ కార్యక్రమాలను పూర్తి చేసుకుంది. మూవీ చూసిన సెన్సార్ సభ్యులు ఆడియన్స్‌ను కచ్చితంగా ఆకట్టుకుంటుందని.. మూవీ హిట్ అవుతుందని పాజిటివ్ అభిప్రాయాలను వ్యక్తం చేసినట్లు సమాచారం. అంతేకాదు.. సినిమాకు సెన్సార్ టీం యూ\ఏ సర్టిఫికెట్ జారీ చేశారు. ఇక సినిమా టోటల్ రన్ టైం ఎంత అనే ఆసక్తి అందరిలోనూ మొదలయ్యే ఉంటుంది.
ఈ సినిమాకు కచ్చితంగా 2 గంటల 45 నిమిషాల రన్ టైం మేకర్స్ కట్ చేశారు. ఈ రన్ టైం ఒక్కింత ఎక్కువే అయినా.. ఆడియన్స్‌కు ఎక్కడ బోర్ కొట్టకుండా అంచనాలను మించిపోయేలా డిజైన్ చేసినట్లు టీం అభిప్రాయాలను వ్యక్తం చేస్తున్నారు. సనాతన ధర్మం, శివతత్వాన్ని ఆవిష్కరిస్తూ సినిమా రాబోతుందని.. కచ్చితంగా సినిమా ఆడియన్స్‌లో గూస్‌బంప్స్‌ తెప్పిస్తుంది.. ఇప్పటికే మేకర్స్ ధీమా వ్యక్తం చేస్తున్నారు. ఇక 14 రూల్స్ ప్లస్ బ్యానర్ పై రామ్ అచంట, గోపీచంద్ అచంట ప్రొడ్యూసర్లుగా వ్యవహరించిన ఈ సినిమా.. డిసెంబర్ 5న గ్రాండ్ లెవెల్లో రిలీజ్ కానుంది. సినిమా రిలీజ్ అయిన తర్వాత ఎలాంటి రిజల్ట్ అందుకుంటుందో చూడాలి.