బాలీవుడ్ స్టార్ హీరో హృతిక్ రోషన్.. టాలీవుడ్ యంగ్ హీరో ఎన్టీఆర్ కాంబోలో వార్ 2 సినిమా తెర‌కెక్కుతున్న సంగతి తెలిసిందే. మల్టీ స్టార‌ర్‌గా ఎంతో ప్రతిష్టాత్మకంగా వైఆర్ఎఫ్‌ స్పై సినిమాటిక్ యూనివర్సలో ఈ సినిమా రూపొందుతుంది. ఈ సినిమాలో హృతిక్ రోషన్ మెయిన్ లీడ్‌గా ఎన్టీఆర్ రా ఏజెంట్గా ఓ కీల‌క పాత్రలో న‌టిస్తున్నార‌ట. కాగా ఈ మూవీలో మరో ముఖ్యపాత్ర కూడా ఉంద‌ని.. ఆ పాత్ర ఎన్టీఆర్ తమ్ముడు రోల్ అని తెలుస్తుంది.
ఇక ఆ రోల్ కోసం కూడా మరో స్టార్ హీరోని తీసుకున్నట్లు వార్తలు వినిపిస్తున్నాయి. కన్నడ స్టార్ హీరో దృవ్ సర్జా, ఎన్టీఆర్ కి తమ్ముడు గా కనిపించబోతున్నాడట. అయితే ఈ సినిమాలో ఆ పాత్రకు చాలా తక్కువ నడివి ఉంటుందని టాక్. ఎన్టీఆర్ తమ్ముడు గా నటించిన హీరో చనిపోయిన తరువాత ఎన్టీఆర్ ఎంట్రీ ఉంటుందని.. తమ్ముడు కోసం ఎన్టీఆర్ ఏం చేశాడు.. అనేది మిగతా స్టోరీ అని తెలుస్తోంది. ఇక ఈ సినిమాలో మరో సౌత్ హీరో ఎంట్రీ ఇచ్చాడని వార్తలు వైరల్ అవ్వడంతో ఈ మూవీపై ప్రేక్షకుల్లో అంచ‌నాలు మ‌రింత‌గా పెరిగాయి. వార్ 1 తో పోలిస్తే సెకండ్ పార్ట్ లో యాక్షన్ పోర్షన్ కూడా వేరే లెవెల్ లో ఉండబోతుందట.
ముఖ్యంగా ఎన్టీఆర్ అండ్ హృతిక్ రోషన్ మధ్య జరిగే యాక్షన్ సన్నివేశాలు చాలా పవర్ఫుల్గా ఉంటాయని టాక్. ఆడియన్స్‌కు గూస్ బంప్స్ వ‌చ్చే విధంగా ఈ ఫైట్ సీన్స్ ప్లాన్ చేశార‌ట మేక‌ర్స్‌. ఈ క్రమంలో మార్బల్ మూవీ స్టంట్ మాస్టర్ స్పిరో రజాటోస్ ను సినిమా కోసం తీసుకువచ్చారని టాక్. ఇక జాన్ అబ్రహం ఈ మూవీలో విలన్ గా నటిస్తున్నాడు. కీయీరా అద్వానీ, శార్వరి హీరోయిన్స్ గా కనిపించనున్నారు. వచ్చేయడాది ఆగస్టు 14న సినిమా ప్రేక్షకుల ముందుకు రానుంది.