టాలీవుడ్ ఇండస్ట్రీలో మాటలు మాంత్రికుడు త్రివిక్రమ్‌కు ఉన్న క్రేజ్, ఫ్యాన్ ఫాలోయింగ్ గురించి ప్రత్యేకంగా చెప్పాల్సిన అవసరం లేదు. ఆయన విజ‌న్, మేకింగ్ స్టైల్‌, డైలాగ్స్ ఆడియన్స్‌ను విపరీతంగా ఆకట్టుకుంటాయి. ఈ క్రమంలోనే తనకంటూ ప్రత్యేక ఇమేజ్ను క్రియేట్ చేసుకున్న త్రివిక్రమ్.. తన సినీ కెరీర్‌లో దాదాపు స్టార్ హీరోల అందరితోనూ సినిమాలను రూపొందించి సక్సెస్ లు తన ఖాతాలో వేసుకున్నాడు. ఈ క్రమంలోనే త్రివిక్రమ్ నుంచి రానున్న నెక్స్ట్ సినిమాల విషయంలో ఆడియన్స్‌లో మంచి అంచనాలు నెలకొన్నాయి. కాగా.. గ‌త కొన్ని రోజుల క్రితం వరకు బన్నీతో త్రివిక్రమ్ సినిమా చేయబోతున్నాడని.. అది పాన్ ఇండియా లెవెల్‌లో ఎంతో ప్రతిష్టాత్మకంగా రూపొందనుందని.. ఈ సినిమాతో సంచలనం సృష్టించడం ఖాయమంటూ అభిప్రాయాలు వ్యక్తం అయ్యాయి.
కానీ.. అల్లు అర్జున్, అట్లీ సినిమాకు గ్రీన్ సిగ్నల్ ఇచ్చి ఆ సినిమా సెట్స్‌లో అడుగు పెట్టాడు. ఈ క్రమంలోనే త్రివిక్రమ్ తో సినిమా చేయడానికి మరింత సమయం పడుతుంది. ఇక త్రివిక్రమ్, బన్నీ కాంబోలో సినిమాకు రెండు నుంచి మూడు సంవత్సరాల వరకు టైం ఉందని సమాచారం. ఈ క్రమంలోనే అసలు బన్నీతో సినిమానే త్రివిక్రమ్ విరమించుకున్నాడట. అందులో వాస్తవం ఎంతో తెలియాలంటే త్రివిక్రమ్ రియాక్ట్ అవ్వాల్సిందే. కాగా.. త్రివిక్రమ్ చివరగా రూపొందించిన గుంటూరు కారం సినిమా ఫ్లాప్ టాక్‌ తెచ్చుకుంది. ఈ క్రమంలోనే తన నెక్స్ట్ సినిమాతో ఎలాగైనా బ్లాక్ బస్టర్ అందుకొని తన సత్తా చాటాలనే కసితో ఉన్నాడు త్రివిక్రమ్.
ఇక.. ప్రస్తుత సిచువేషన్‌లో త్రివిక్రమ్‌తో సినిమా చేయడానికి స్టార్ హీరోలు ఖాళీగా లేరు. అల్లు అర్జున్ అవకాశం ఇచ్చినట్టు ఇచ్చి.. హ్యాండ్ ఇచ్చాడు. ఈ క్రమంలోనే వెంకటేష్‌తో సినిమా చేసి సక్సెస్ అందుకోవాలని త్రివిక్రమ్ ప్లాన్ చేస్తున్నాడట. ఇప్పటికే ఈ విషయం నెటింట తెగ వైరల్‌గా మారింది. అయితే.. ఈ విషయంపై స్టార్ ప్రొడ్యూసర్ సురేష్ బాబు తన సన్నిహితులతో ముచ్చటించాడట. స్టోరీ లైన్, బ్యాక్ డ్రాప్ వివరాలు బయటకు రాలేదు కానీ.. త్రివిక్రమ్‌తో వెంకటేష్ సినిమా మాత్రం ఫిక్స్ అయిపోయిందని సన్నిహిత వర్గాల నుంచి సమాచారం. ఇక వీళ్ళ కాంబినేషన్‌లో గతంలో.. నువ్వు నాకు నచ్చావు సినిమా వచ్చి ఎలాంటి రిజల్ట్ అందుకుందో ఆడియన్స్‌ను ఏ రేంజ్‌లో ఆకట్టుకుందో తెలిసిందే. ఈ క్రమంలోనే మళ్లీ వీళ్ళిద్దరి కాంబోలో రూపొందినన్న సినిమాపై ఆడియన్స్ లో మంచి అంచనాలు నెలకొన్నాయి.