సౌత్ స్టార్ హీరోయిన్గా తెలుగులో తిరుగు లేని ఇమేజ్ను క్రియేట్ చేసుకున్న సమంత.. ప్రస్తుతం బాలీవుడ్ లోనూ వరుస సినిమాలో నటిస్తూ బిజీగా గడుపుతున్న సంగతి తెలిసిందే. టాలీవుడ్ స్టార్ బ్యూటీగా లక్షల మంది అభిమానాన్ని సంపాదించుకున్న సామ్.. ఖుషి తర్వాత మరే సినిమాలోను కనిపించలేదు. కొన్ని నెలలుగా మయోసైటీస్‌తో ఇండస్ట్రీకి దూరమైన అమ్మ‌డు ఇటీవ‌ల రీ ఎంట్రీ ఇచ్చి సిటిడెల్ రీమేక్‌ హనీబనీలో నటించింది. ఇక ఈ సిరీస్ నవంబర్ 7న అమెజాన్ ప్రైమ్ లో స్ట్రీమింగ్ కానుంది.
ఈ క్రమంలోనే మీడియా ముందుకు వచ్చి ప్రమోషన్స్‌లో సందడి చేస్తుంది సమంత. ఇందులో భాగంగానే తాజాగా ఓ ఇంటర్వ్యూలో పాల్గొని సందడి చేసిన సామ్.. ఎన్నో ఇంట్రెస్టింగ్ విషయాలను షేర్ చేసుకుంది. ఈ ఇంటర్వ్యూలో మీరు ఇకపై కూడా స్పెషల్ సాంగ్స్ లో కనిపిస్తారా అని ప్రశ్నించగా.. చేయనని చెప్పేసింది. అలాగే మీరు సింగల్ గా ఉండాలనుకుంటున్నారా అంటే.. లేదు అంటూ సమాధానం ఇచ్చింది. దీన్నిబట్టి సమంత ఇకపై స్పెషల్ సాంగ్స్ లో నటించ‌ను.. సింగిల్ గా కాకుండా కచ్చితంగా మింగిల్ అవ్వడానికి సిద్ధంగా ఉన్నానంటూ వివరించిందని అభిమానులు ఆ వీడియోను తెగ షేర్ చేస్తూ ట్రెండ్ చేస్తున్నారు.
ఇక గతంలో సమంత.. అల్లు అర్జున్ పుష్ప సినిమాలో స్పెషల్ సాంగ్ లో నటించిన సంగతి తెలిసింది. ఈ సాంగ్ ఇండస్ట్రీని షేక్ చేసింది. మంచి పాపులారిటీ ద‌క్కించుకుంది. ఇక ఇప్పుడు పుష్ప 2లోను ఈమె శ్రీలీలతో కలిసి మరో స్పెషల్ సాంగ్ లో కనిపించపోతుందంటూ టాక్‌ నడుస్తుంది. అయితే ఇప్పుడు సమంత చేసిన కామెంట్స్ తో పుష్ప 2లో సామ్ స్పెషల్ సాంగ్ చేయడంలో నిజం లేదంటూ అభిమానులు తమ అభిప్రాయాలను వ్యక్తం చేస్తున్నారు.