పాన్ ఇండియ‌న్ రెబ‌ల్ స్టార్ ప్రభాస్ చివరిగా కల్కి సినిమాతో బ్లాక్ బస్టర్ అందుకున్న సంగతి తెలిసిందే. కల్కి స‌క్స‌స్ తర్వాత రాజాసాబ్‌తో ఆడియన్స్ పలకరించడానికి సిద్ధమవుతున్నాడు డార్లింగ్‌. మారుతి డైరెక్షన్ లో ఈ సినిమా రూపొందుతున్న సంగతి తెలిసిందే. ఈ సినిమా తర్వాత హ‌నురాగవ‌పూడి డైరెక్షన్‌లో మరో సినిమాలో నటించనున్నాడు. అలాగే ప్రభాస్ నటిస్తున్న సినిమాల్లో మోస్ట్ అవైటెడ్ గా రానున్న మరో మూవీ సందీప్ రెడ్డి వంగ దర్శకత్వం వహించనున్న స్పిరిట్.
హై వోల్టేజ్ యాక్షన్ డ్రామాగా తెర‌కెక్కుతున్న ఈ సినిమాలో ప్రభాస్ జోడిగా ఓ సీనియర్ స్టార్ బ్యూటీని సెలెక్ట్ చేసుకున్నట్లు వార్తలు వైరల్ అవుతున్నాయి. స్టార్ బ్యూటీ సౌత్ నెంబర్ వన్‌గా క్రేజ్ సంపాదించుకున్న ఆ అమ్మడు ప్రభాస్ పక్కన చాలా పర్ఫెక్ట్ గా ఉంటుందని సందీప్ రెడ్డి వంగా భావిస్తున్నారట. ఇంతకీ ఆ స్టార్ హీరోయిన్ మరెవరో కాదు నయనతారనే అట. గతంలో కూడా ఈ వార్తలు వైరల్ అయ్యింది. ఇప్పుడు మరోసారి ఈ వార్తలు నిజ‌మే అంటూ కామెంట్లు వ్యక్తమవుతున్నాయి. ఇక ఇటీవ‌ల సినిమా స్క్రిప్ట్ ప‌నులు ఆల్మోస్ట్ పూర్తి చేసినట్లు తెలుస్తుంది.ఇక క‌థ‌ను కూడా సందీప్ రెడ్డి వంగ.. నయనతారకు వినిపించారని.. ఆమె ఓకే చేసినట్టు సమాచారం.
ఇక గతంలో నయన్, ప్రభాస్ కలిసి యోగి సినిమాలో నటించారు. 2007 లో రిలీజ్ అయినా ఈ సినిమా ఆడియన్స్ ఊహించిన రేంజ్ లో మెప్పించలేకపోయింది. అయితే దాదాపు 17 ఏళ్ల గ్యాప్ తర్వాత మరోసారి ఈ కాంబో సెట్ అయిందని.. స్పిరిట్ సినిమాలో నయన్, ప్రభాస్ కలిసి నటించనున్నారంటూ వార్తలు వైరల్ అవుతున్నాయి. టీ సారీస్, భద్రకాళి పిక్చర్స్ బ్యానర్ సంయుక్తంగా ఈ సినిమాను నిర్మిస్తున్నాయి. హర్షవర్ధన్ రామేశ్వరం సంగీతం అందించినున్నారు. ఇక సందీప్ రెడ్డి వంగ నుంచి ఇప్పటివరకు వచ్చిన సినిమాల అన్నింటికంటే మరింత వైవిధ్యంతో స్పిరిట్ ఉండబోతుందని.. ప్రేక్షకులను విపరీతంగా ఆకట్టుకునుందని సమాచారం.