దివంగత నటి అతిలోకసుందరి శ్రీదేవి కూతురుగా బాలీవుడ్ చిత్ర పరిశ్రమలోకి అడుగుపెట్టింది జాన్వీ కపూర్ తనకంటూ ప్రత్యేకమైన ఇమేజ్‌ను తెచ్చుకుంది. సినిమాల సంగ‌తేమో కానీ సోషల్ మీడియాలో తన గ్లామ‌ర్ షోతో ఎంతో ఫేమస్ అయ్యింది ఈ ముద్దుగుమ్మ. భారీ ఫ్యాన్ ఫాలోయింగ్‌ను కూడా సంపాదించుకుంది. ఇప్పుడు త్వరలోనే ఈ ముద్దుగుమ్మ తెలుగు చిత్ర పరిశ్రమలో కూడా అడుగుపెట్టబోతుంది. యంగ్ టైగర్ ఎన్టీఆర్, కొరటాల శివ దర్శకత్వంలో వస్తున్న NTR 30వ సినిమాలో జాన్వీ హీరోయిన్ గా ఎంపికైన విషయం తెలిసిందే.
ఎన్టీఆర్ 30 అనే వర్కింగ్ టైటిల్ తో వస్తున్న ఈ సినిమాను ఎన్టీఆర్ ఆర్ట్స్ బ్యానర్ మరియు యువ సుధా ఆర్ట్స్ బ్యానర్ భారీ బడ్జెట్ తో పాన్ ఇండియా స్థాయిలో నిర్మించబోతున్నాయి. ఈనెల 23న పూజా కార్యక్రమాలతో లాంఛనంగా ఈ సినిమా మొదలు కాబోతోంది. ఇక ఇప్పుడు తెలుగులోనే కాకుండా సౌత్ లోనే జాన్వీ కి మొదటి సినిమా కూడా ఇదే. ఎన్టీఆర్ 30 తర్వాత ఈ ముద్దుగుమ్మ ఖచ్చితంగా సౌత్ లో బిజీ హీరోయిన్‌గా అవుతుందని సినీ విశ్లేషకులు అంచనాలు వేస్తున్నారు. పైగా ఈ సినిమాపై జాన్వీ కపూర్ కూడా ఎన్నో ఆశలు కూడా పెట్టుకుంది.
ఈ సినిమా గురించి జాన్వీ తాజాగా ఓ ఇంటర్వ్యూలో మాట్లాడుతూ కొన్ని ఆసక్తికర వ్యాఖ్యలు చేసింది. ఇండియాలోనే ఎన్టీఆర్ అంటే తనకు ఎంతో ఇష్టమైన హీరో, ఆయనతో నటించే అవకాశం రావాలని దేవుడ్ని ఎంతో ప్రార్ధించేదాన్ని.. ఇక ఇప్పుడు ఆ కోరిక అతి త్వరలోనే నెరవేరబోతుంది. ఆయనకు జంటగా నటించడం నా జీవితంలోనే అతిపెద్ద ఆనందాల్లో ఒకటి అంటూ జాన్వీకపూర్ తన ఆనందాన్ని వ్యక్తం చేసింది.
అంతేకాకుండా ఎన్టీఆర్ తో కలిసి షూటింగ్‌లో పాల్గొనేందుకు ఎప్పుడెప్పుడా అని ఎదురుచూస్తూ ఉంటున్నానని తెలిపింది. ఈ సినిమా షూటింగ్ ఎప్పుడు మొదల పెడతారు అంటూ రోజు డైరెక్టర్ కొరటాలకు మెసేజులు పెడుతూ ఆయనను విసిగించే దాని అని చెప్పకు వచ్చింది. ఇక ఇప్పుడు జాన్వీ చేసిన ఈ వ్యాఖ్యలపై కొందరు నెగిటివ్ కామెంట్లు కూడా చేస్తున్నారు.. ఎన్టీఆర్‌తో న‌టించాల‌నే నీ కోరిక కోసం డైరెక్టర్‌ను అంతలా చిరాకు పెట్టాలా..? అంటూ ఆమెని ట్రోల్ చేస్తున్నారు.. మరికొందరు బాగా అతి చేస్తున్నావ్ అంటూ ఆమెకు చురకలు వేస్తున్నారు.