మహానటి కీర్తి సురేష్.. ప్రస్తుతం మంచి హిట్ అందుకోవాల్సిన అవసరం చాలానే ఉంది. బహు భాషా నటిగా ఎంతో గుర్తింపు తెచ్చుకున్న కీర్తి సురేష్ ఇటీవల సక్సెస్ కు దూరమైంది. తమిళంలో దర్శకుడు సెల్వ రాఘవన్ తో కలిసి నటించిన `సాని కాగితం` అని సినిమాలో కీర్తి సురేష్ మంచి మార్కులు అందుకుంది. అయినప్పటికీ ఈ సినిమా ఓటీడీలో రిలీజ్ కావడంతో అనుకున్నంత విజయం సాధించలేదు. ఇటీవల టాలీవుడ్ ఇండస్ట్రీలో కూడా చెప్పుకునే స్థాయిలో సక్సెస్ లు రాలేదు.
తాజాగా తెలుగులో `బోళా శంకర్` సినిమాలో మెగాస్టార్ చిరంజీవికి చెల్లెలు గాను అలాగే `దసరా` సినిమాలో నాని సరసున హీరోయిన్గా నటిస్తుంది. వీటిలో `బోళా శంకర్` సినిమాలో చెల్లెలి పాత్ర కావడంతో సినిమా హిట్ అయిన ఆ క్రెడిట్ మొత్తం చిరంజీవికే వెళ్లిపోతుంది. రెండోది `దసరా` సినిమాలో ఈమె సక్సెస్ అందుకుంటుందా? లేదా? అన్నది కొంతకాలం వేచి చూడాల్సిందే. అయితే టాలీవుడ్ లో ఉదయనిది స్టాలిన్ సరసన నటిస్తున్న`మామన్నన్` సినిమా పైనే తన ఆశలన్నీ పెట్టుకుంది. మారి సెల్వరాజ్ డైరెక్షన్లో రెడ్ జాయింట్ మూవీస్ సంస్థ నిర్మిస్తున్న ఈ సినిమా షూటింగ్ పూర్తి చేసుకుని త్వరలోనే ప్రేక్షకుల ముందుకు రాబోతుంది.
ఈ సినిమాకి సంబంధించిన ప్రమోషన్స్ కూడా మొదలయ్యాయి. ఈ క్రమంలోని కీర్తి సురేష్ నటిగా తాను నటిస్తున్న పాత్రల గురించి ఓ షోలో మాట్లాడుతూ .. ఎన్నో ఆసక్తికరమైన విషయాలు చెప్పింది. అయితే తాను కథ విన్నప్పుడు నచ్చితే అందులోని క్యారెక్టర్ లో లీనమైపోతానని.. నటించడానికి ముందే ఆ కథ పాత్ర దాని రూపురేఖలు ఎలా ఉండాలి అన్నది మనసులో ముద్ర పడిపోతాయని పేర్కొంది. షూటింగ్ జరిగినప్పుడు నటించే సమయంలో ఆ పాత్రలోకి పరకాయ ప్రవేశం చేస్తానని చెప్పుకొచ్చింది. అలా షూటింగ్ పూర్తయిన సరే ఆ పాత్రల ప్రభావం తనపై చాలాకాలం ఉంటుందని తనను వదలకుండా వెంటాడుతూనే ఉంటాయని కీర్తి సురేష్ ఎన్నో ఇంట్రెస్టింగ్ విషయాలు చెప్పుకొచ్చింది. కొన్ని సంవత్సరాలు అయినా సరే ఆ ప్రభావం తన మీద ఉంటుందని ఆమె పేర్కొంది. ఇక కీర్తి సురేష్ బయటపెట్టిన ఈ ఇంట్రెస్టింగ్ విషయాలు ప్రస్తుతం సోషల్ మీడియాలో వైరల్ గా మారాయి.
