టాలీవుడ్ ఐకాన్ స్టార్‌ అల్లు అర్జున్ కు ప్రేక్షకుల్లో ఉన్న క్రేజ్, పాపులారిటీ గురించి ప్రత్యేకంగా చెప్పాల్సిన అవసరం లేదు. ఇప్పటికే పుష్ప రాజ్‌గా తనకంటూ ప్రత్యేక ఇమేజ్ను క్రియేట్ చేసుకున్న బన్నీ.. త్వరలోనే పుష్ప సీక్వెల్.. పుష్పాది రూల్‌తో ఆడియన్స్ను పలకరించ‌నున్నాడు. సుకుమార్ డైరెక్షన్‌లో తెర‌కెక్కిన ఈ సినిమాపై పాన్ ఇండియా లెవెల్లో విపరీతమైన అంచనాలు నెలకొన్నాయి. ఇక ఈ సినిమాను డిసెంబర్ 5న గ్రాండ్ లెవెల్లో రిలీజ్ చేయనున్నారు మేకర్స్.
అయితే ఇంకా సినిమాకు నెలరోజులు మాత్రమే సమయం ఉండడంతో.. తాజాగా ప్రత్యేక పోస్టర్‌ను రిలీజ్ చేశారు. ఈక్ర‌మంలో సినిమా వరుస అప్డేట్స్ ఇస్తూ ఆడియన్స్ను ఎక్సైట్ చేస్తున్నారు. అందులో భాగంగానే ఈనెల 15వ ట్రైలర్ రిలీజ్ చేయనున్నట్లు వెల్లడించారు. ఇక అందరికంటే ముందు ఓవర్సీస్‌లో పుష్ప 2 ప్రీమియర్స్ ను రిలీజ్ చేయనున్నారు.
ఈ క్రమంలో నెలరోజుల ముందే టికెట్స్ ఫ్రీ బుకింగ్స్ ఓపెన్ అయ్యాయి. ఈ క్రమంలో పుష్ప రాజ్ కు ఉన్న క్రేజ్ రీత్యా అత్యంత వేగంగా 15000 టికెట్స్ అమ్ముడుపోయాయి. ఈ విషయాన్ని మేకర్స్ స్వయంగా ట్విటర్ వేదికగా వెల్లడించారు. అమెరికాలో ఇంత వేగంగా టికెట్స్ అమ్ముడుపోయిన మొట్టమొదటి ఇండియన్ సినిమా గా పుష్ప 2 రికార్డు క్రియేట్ చేసింది. దీనితో బన్నీ ఫ్యాన్స్ పండగ చేసుకుంటున్నారు.