ప్రస్తుతం మెగా పవర్ స్టార్ రామ్ చరణ్ వరుస సినిమాలు లైన్లో పెట్టి బిజీ బిజీగా గడుపుతున్న సంగతి తెలిసిందే. ఇప్పటికే గేమ్ చేంజర్ సినిమాతో రిలీజ్ కు సిద్ధమవుతున్న చరణ్.. ఈ సినిమా తర్వాత బుచ్చిబాబు సనా డైరెక్షన్లో తన 16వ సినిమా నటించడానికి గ్రీన్ సిగ్నల్ ఇచ్చాడు. అయితే ఇప్పటికీ సినిమా పూజా కార్యక్రమాలు పూర్తి చేసిన ఈ సినిమా సెట్స్ పైకి వెళ్లేందుకు సిద్ధమవుతుంది. గేమ్ చేంజర్ సినిమా పూర్తి అయిన వెంటనే రాంచరణ్ ఈ సినిమా షూటింగ్లో పాల్గొననున్నట్లు సమాచారం. ఇక చరణ్ సెట్స్ పైకి వచ్చే లోపే బుచ్చిబాబు ఈ సినిమాకు సంబంధించిన ప్రీ ప్రొడక్షన్ వర్క్‌ మొత్తం పూర్తి చేసేయాలని ఉద్దేశంతో బిజీ బిజీగా గడుపుతున్నాడు.
ఇలాంటి క్రమంలో బుచ్చిబాబు ఈ సినిమాను ఎలా తీస్తాడు అనే ఆసక్తి ప్రేక్షకుల్లో మొదలైంది. ఇదిలా ఉంటే ఇప్పటికే ఈ సినిమాలో హీరోయిన్గా జాన్వి కపూర్, మ్యూజిక్ డైరెక్టర్గా ఏ ఆర్ రెహమాన్ ఫిక్స్ అయిన సంగతి తెలిసిందే. కాగా తాజాగా ఈ సినిమాలో మరో బాలీవుడ్ దిగ్గజ నటుడు నటిస్తున్నాడు అంటూ వార్తలు వైరల్ అవుతున్నాయి. ఆ బాలీవుడ్ నటుడు మ‌రెవ‌రో కాదు సీనియర్ యాక్టర్ అమితాబచ్చన్ ఈ సినిమాలో నటించనున్నట్లు సమాచారం. ఇలాంటి క్రమంలో ఆయన క్యారెక్టర్ ఏంటి అనే అంశంపై మాత్రమే ఇంకా క్లారిటీ రాలేదు.
దీంతో సినిమాలో అమితాబ్ ఏ రోల్ చేయబోతున్నాడని సందేహాలు ప్రేక్షకుల్లో మొదలు అయాయ్యి. ఇక ఈ సినిమాలో అమితాబ్ ఓ కీలక పాత్రలో నటిస్తున్నాడని సమాచారం. కల్కి సినిమాలో కూడా అమితాబచ్చన్ అశ్వద్ధామ పాత్రలో నటిస్తున్న సంగతి తెలిసిందే. కనుక ఈ సినిమాలో కూడా ఆయన్ని భాగం చేసి తన ద్వారా సినిమా మార్కెట్ ను మరింత పెంచుకునే విధంగా ప్లాన్ చేశాడట బుచ్చిబాబు. ప్రస్తుతం ఈ న్యూస్ నెట్టింటి వైరల్ అవడంతో బుచ్చిబాబు మాస్టర్ ప్లాన్ అదుర్స్ అంటూ కామెంట్స్ చేస్తున్నారు చరణ్ ఫ్యాన్స్.