నందమూరి బాలకృష్ణతో ఓ ప్రముఖ డైరెక్టర్ `రౌడీయిజం` చేసేందుకు రెడీ అయ్యాడు. డైరెక్టర్కు, బాలయ్యకు రౌడీయిజం ఏంటీ..? ఇంతకీ ఆ డైరెక్టర్ ఎవరు..? అసలు కథేంటి..? అన్న విషయాలు ఇప్పుడు తెలుసుకుందాం. ప్రస్తుతం మాస్ డైరెక్టర్ బోయపాటి శ్రీనుతో `అఖండ` సినిమా చేస్తున్న బాలయ్య.. తన తదుపరి చిత్రాన్ని గోపీచంద్ మలినేనితో ప్రకటించిన సంగతి తెలిసిందే.
ఈ చిత్రాన్ని మైత్రి మూవీస్ బ్యానర్ లో నవీన్ యెర్నేని, వై రవిశంకర్ సంయుక్తంగా ఈ చిత్రాన్ని నిర్మిస్తున్నారు. అయితే ఈ సినిమాకి గానూ `రౌడీయిజం` అనే పవర్ ఫుల్ టైటిల్ను మైత్రి వారు రిజిస్టర్ చేయించారట. ఈ సినిమా కథ మరియు బాలయ్య పాత్రకు ఆ టైటిల్ కరెక్ట్గా సూట్ అవుతుందని మేకర్స్ భావించారట.
అందుకే అదే టైటిల్ను రిజిస్టర్ చేయించారని.. త్వరలోనే టైటిల్ అనౌన్స్మెంట్ కూడా ఉంటుందని జోరుగా ప్రచారం జరుగుతోంది. మొత్తానికి బాలయ్యతో రైడీయిజం చేసేందుకు సిద్ధమైన గోపీచంద్.. ప్రేక్షకులను ఏ మేరకు ఆకట్టుకుంటాడో చూడాలి. కాగా, త్వరలోనే సెట్స్ మీదకు వెళ్లనున్న ఈ హై యాక్షన్ ఎంటర్టైనర్ చిత్రంలో బాలయ్య డ్యూయల్ రోల్లో కనిపించనున్నారని టాక్.