స్టార్ బ్యూటీ చిత్రా శుక్ల మా అమ్మాయి సినిమాతో టాలీవుడ్ ఇండస్ట్రీ లోకి ఎంట్రీ ఇచ్చింది. ఈ అమ్మడు చూడగానే అచ్చ తెలుగు ఆడ‌పిల్ల‌ల.. పక్కింటి అమ్మాయిలా అనిపిస్తూ ప్రేక్షకులను ఆకట్టుకుంటుంది. ఈ క్రమంలో అమ్మడు అందం, న‌ట‌న‌కు మొదటి సినిమాతోనే మంచి మార్కులు పడ్డాయి. తెలుగులో వ‌రుస అవకాశాలు క్యూ క‌ట్టాయి. అయితే అమ్మడు ఎన్నో సినిమాల్లో నటించినా ఊహించిన రేంజ్‌లో సక్సెస్ అందలేదు.
ఇలా తెలుగులో రంగులరాట్నం, సిల్లీ ఫెలోస్, తెల్లవారితో గురువారం, పక్క కమర్షియల్, ఉనికి, హంట్ లాంటి సినిమాలలో నటించి మెప్పించిన ఈ ముద్దుగుమ్మ మధ్యప్రదేశ్‌కు చెందిన అమ్మాయి. ఇక గతేడాది చిత్ర శుక్ల పోలీస్ ఆఫీస‌ర్‌ వైభవ్ ఉపాధ్యాయ్‌ను ప్రేమించి వివాహం చేసుకుంది. ఈ క్రమంలో తాజాగా అమ్మడు`తల్లి కాబోతున్నట్లు సోషల్ మీడియా వేదికగా షేర్ చేసుకుంది. తన సిమంత ఫోటోలను షేర్ చేస్తూ తల్లి కాబోతున్నట్లు అనౌన్స్ చేసింది.
చిత్రా శుక్ల కుటుంబ సభ్యులు, సన్నిహితుల మధ్య సాంప్రదాయ బద్దంగా ఈ వేడుకను సెలబ్రేట్ చేసుకుంది. త్వ‌ర‌లోనే పండంటి బిడ్డ‌కు జ‌న్మ‌నివ్వ‌నున్న.. చిత్రా శుక్ల తన సీమంతానికి సంబంధించిన ఫోటోస్‌ షేర్ చేయడంతో అవికాస్త క్షణాల్లో నెటింట వైరల్ గా మారాయి. దీంతో ప్రస్తుతం ఈ విషయం తెలుసుకున్న నెటిజ‌న్స్ ఆమెకు విషెస్‌ తెలియజేస్తున్నారు. అభిమానులు ఆనందాన్ని వ్యక్తం చేస్తున్నారు.
