ఎట్టకేలకు నందమూరి నటసింహం వారసుడు రంగంలోకి ఎంట్రీ ఇచ్చాడు. బాలయ్య కొడుకు నందమూరి మోక్షజ్ఙ మొదటి సినిమాకు అంతా సిద్ధమైంది. హనుమాన్‌ సినిమాతో పాన్ ఇండియా లెవెల్ పాపులారిటీ దక్కించుకున్న ప్రశాంత్ వర్మ.. మోక్షజ్ఞ డెబ్యు సినిమాకు దర్శకత్వ భాధ్య‌త‌లు తీసుకున్నాడు. మోక్షజ్ఞ బర్త్ డే సందర్భంగా ఇటీవ‌ల సినిమాను అనౌన్స్ చేశారు టీం. ఈ సందర్భంగా రిలీజ్ చేసిన ఫస్ట్ లుక్ పోస్టర్‌లో మోక్షజ్ఙ అదిరిపోయే లుక్‌తో అంద‌రిని ఆక‌ట్టుకున్నాడు.
సూపర్ స్టైలిష్, స్లిమ్‌ లుక్‌లో మెరిసి నందమూరి ఫ్యాన్స్‌ను ఫుల్ హ్యాపి చేశాడు. దీంతో మోక్షు సినిమా ఎప్పుడెప్పుడు వస్తుందా.. ఎప్పుడెప్పుడు బుల్లి బాల‌య్య‌ను వెండితెర‌పై చూస్తామా అని అభిమానులంతా ఆసక్తిగా వెయిట్ చూస్తున్నారు. అయితే గతంలో మోక్షజ్ఞ బొద్దుగా క‌నిపిండేవాడు. దీంతో బాలయ్య కొడుకు మోక్షజ్ఞ సినిమాల్లోకి వస్తాడా..? రాడా..? అనే సందేహాలు చాలా మందిలో వినిపించాయి. అయితే వీటన్నిటినీ పటా పంచలు చేస్తూ మోక్షజ్ఞ ఇండస్ట్రీలో అడుగు పెట్టాడు. ఓ హీరోకు ఉండాల్సిన పర్ఫెక్ట్ కటౌట్ సెట్ చేసుకుని ఫ్యాన్స్ కు సర్ ప్రైజ్ ఇచ్చాడు. అయితే బొద్దుగా ఉన్న మోక్షు.. ఇంత త‌క్కువ టైంలో హీరో కటౌట్‌లోకి రావడానికి దాదాపు 18 కేజీలు వెయిట్‌లాస్ అయ్యాడు.
హీరోగా మారాలని ఫిక్స్ అయిన తర్వాత మోక్షజ్ఞ.. ఫిట్‌నెస్‌పై ఫోకస్ చేశాడు. కేవలం ఐదు నెలల్లోనే తన బరువును తగ్గించుకున్ని పర్ఫెక్ట్ హీరో క‌టైట్ కొసం క‌ష్ట‌ప‌డ్డాడు. కాగా 30 ఏళ్ల వయసులో హీరోగా ఎంట్రీ ఇవ్నున్న మోక్షజ్ఞ.. ఫస్ట్ సినిమానే సోషియో ఫాంటసీ కథ అని తెలుస్తోంది. ప్రశాంత్ వర్మ సినిమాటిక్ యూనివర్స్‌లో భాగంగా ఈ సినిమా తెరకెక్కనుంది. SLV సినిమాస్, లెజెండ్ ప్రొడక్షన్స్ బ్యానర్స్ పై సుధాకర్ చెరుకూరి, తేజస్విని నందమూరి.. ప్రొడ్యూస‌ర్లుగా ఈ సినిమా తెరకెక్కనుంది. ఈ సినిమాతో బాలయ్య రెండో కూతురు తేజస్విని కూడా సినీ ఇండస్ట్రీలోకి అడుగు పెట్టనుంది. మోక్షజ్ఞ మొదటి సినిమాకు ఆమె నిర్మాతగా వ్యవహరించ‌డం విశేషం.