భారీ భారీ ట్వీస్ట్ లతో బెంగళూరు రేవ్ పార్టీ కేసు ఊహించిన మలుపు తిరిగింది. బెంగళూరు రేవ్ పార్టీ ఇష్యూ ఎంత హాట్ టాపిక్ గా ట్రెండ్ అయిందో మనందరికీ తెలిసిందే . మరీ ముఖ్యంగా తెలుగులో క్యారెక్టర్ ఆర్టిస్ట్ పాత్రలు చేసుకునే నటి హేమ పేరు ఈ బెంగుళూరు రేవ్ పార్టీ కేసులో సంచలనంగా మారింది . కాగా సిసిబి పోలీసులు ఆమెను అరెస్ట్ చేశారు . నటి హేమను రేపు సిసిబి పోలీసులు కోర్టులో ప్రవేశపెట్టే అవకాశం ఉన్నట్లు వార్తలు వినిపిస్తున్నాయి .
బెంగళూరులోని ఓ ఫామ్ హౌస్ లో జరిగిన రేవ్ పార్టీకి టాలీవుడ్ కి చెందిన పలువురు ప్రముఖులు కూడా హాజరైనట్లు పోలీసుల విచారణలో బయటపడింది . అందులో నటి హేమ కూడా ఉన్నట్లు పోలీసులు కనిపెట్టారు. 150 మంది పైగా ఈ పార్టీలో పాల్గొన్నట్లు పోలీసులు కేసు నమోదు చేశారు. అంతేకాదు మొత్తంగా 86 మంది డ్రగ్స్ తీసుకున్నట్లు నిర్ధారణ అయింది . వాళ్లలో నటి హేమ కూడా ఉండడం గమనార్హం. అయితే విచారణకు హాజరు కావాలని రెండు సార్లు నోటీసులు పంపిన వివిధ కారణాలతో ఆమె దర్యాప్తుకు హాజరు అవ్వలేదు .
ఈ క్రమంలోనే మూడోసారి నోటీసులు ఇవ్వగా సమన్లకు ఆమె పోలీసుల ఎదుట విచారణకు హాజరయ్యారు. అయితే హేమను విచారించిన పోలీసులు దర్యాప్తులో సంచలన విషయాలను కనుగొన్నారు పోలీసులు. ఈ క్రమంలోనే ఆమె రేవ్ పార్టీకి వెళ్లింది అని అక్కడ డ్రగ్స్ తీసుకుంది అని ఆ కారణంగా అరెస్టు చేశారు. రేపు హేమను కోర్టులో ప్రవేశపెట్టనున్నట్లు సమాచారం అందుతుంది..!!