తెలుగు బిగ్గెస్ట్ రియాలిటీ షో బిగ్బాస్ సీజన్ 5 రెండో వారానికి చేరుకున్న సంగతి తెలిసిందే. మొత్తం 19 మంది కంటెస్టెంట్స్ హౌస్లోకి అడుగు పెట్టగా.. మొదటి వారం 7 ఆర్ట్స్ సరయు ఎలిమినేట్ అయిపోయింది. ఇక రెండో వారంలో నటరాజ్, కాజల్, ఉమ, లోబో, ప్రియాంక, యాని, ప్రియ ఎలిమినేషన్కు నామినేట్ అయ్యాయి.
అయితే వీరిలో కార్తీకదీపం సీరియల్ ఫేమ్ ఉమనే బ్యాగ్ సద్దేయబోతోందని జోరుగా ప్రచారం జరుగుతోంది. ఇందుకే ప్రధాన కారణం ఆమె ప్రవర్తననే. హౌస్లోకి వచ్చిన మూడో రోజు నుంచే ఉమ.. చీటికి మాటికి గొడవలు పెట్టుకుంటూ అందరిపై నోరు పారేసుకుంటుంది.
బూతులు మాట్లాడేందుకు కూడా ఉమ ఏ మాత్రం వెనకాడటం లేదు. దాంతో ఇంటి సభ్యులెవరు కూడా ఉమ సరిగ్గా మెలగలేకపోతున్నారు. ఈ నేపథ్యంలోనే సెకెండ్ వీక్ ఎలిమినేట్ అయ్యేది ఉమనే అంటూ ప్రచారం జరుగుతోంది. ఒకవేళ పొరపాటున ఉమ సేవ్ అయితే.. కాజల్ ఇంటి సభ్యులకు గుడ్ బై చెప్పేసే అవకాశాలు పుష్కలంగా ఉన్నాయి.