టాలీవుడ్ నందమూరి నట‌సింహం బాలకృష్ణ, అనిల్ రావిపూడి కాంబినేషన్ అంటేనే ఆడియన్స్‌లో అంచనాలు ఆకాశాన్నికంటుతాయి. దీనికి కారణంగా వీళ్ళిద్దరి కాంబోలో తెర‌కెక్కి.. బాక్సాఫీస్ దగ్గర బ్లాక్ బస్టర్గా నిలిచిన భగవంత్‌ కేసరి. ఈ సినిమాలో బాలయ్య పర్ఫామెన్స్‌తో పాటు.. అనిల్ రావిపూడి టేకింగ్, స్టోరీ ఆడియన్స్ కు ఎంతగానో కనెక్ట్ అయింది. ముఖ్యంగా సినిమా స్క్రీన్ ప్లే విషయంలో అనిల్ రావిపూడి కష్టం క్లియర్ కట్ గా అర్థమవుతుంది. స్టోరీ రొటీన్ గానే ఉన్నా.. కొత్తదనం చూపిస్తూ మూవీ రూపొందించాడు అనీల్‌. బాలయ్య లోని మాస్ యాంగిల్ తో పాటు.. ఫాదర్ సెంటిమెంట్, ఎమోషన్స్ ను సమపాళ్లలో చూపిస్తూ ఆడియన్స్‌ను ఆకట్టుకున్నాడు.
ఈ క్రమంలోనే.. అనిల్ రావిపూడి కి సంబంధించిన ఓ ఇంట్రెస్టింగ్ న్యూస్ నెటింట వైరల్‌గా మారుతుంది. అదేంటంటే.. నందమూరి ఫ్యాన్స్ అంతా ఎప్పటినుంచో కళ్ళు కాయలు కాచేలా ఎదురు చూస్తున్న బాలయ్య కొడుకు మోక్షజ్ఞ సినీ ఎంట్రీ. ఎస్.. అనిల్ రావిపూడి డైరెక్షన్ లోనే మోక్షజ్ఞ డెబ్యూ జరగనుందట. అనిల్ పై నమ్మకంతో ఈ సినిమా బాధ్యతలను బాలయ్య ఆయనకు అప్పగించినట్లు సమాచారం. ఇంతకీ వీళ్లిద్దరి కాంబోలో వస్తున్న ఆ మూవీ మరేదో కాదు ఆదిత్య 999 మ్యాక్స్. ఒకప్పటి స్టార్ డైరెక్టర్ సంగీతం శ్రీనివాస్ తెరకెక్కించిన క్లాసికల్ మూవీ ఆదిత్య 369 కు సీక్వెల్‌గా ఈ సినిమా తెరకెక్కనుంది. ఇక ఇప్పటికే సినిమా స్క్రిప్ట్ పనులు కూడా కంప్లీట్ అయ్యాయని.. మోక్షజ్ఞ ఇమేజ్ కు తగ్గట్టుగా అన్ని జాగ్రత్తలు తీసుకుని సినిమాకు సిద్ధమవుతున్నాడని సమాచారం.
ఇక అన్నింటికంటే హైలెట్ ఈ ప్రతిష్టాత్మక ప్రాజెక్టులో బాలయ్య కూడా ఓ కీలక పాత్రలో మెరవ‌నుండడం. తండ్రి, కొడుకులు ఇద్దరు ఒకే స్క్రీన్ పై కనిపిస్తే.. నందమూరి అభిమానులకు అంతకుమించిన పండగ ఉండదనడంలో సందేహం లేదు. ఆదిత్య 999 మ్యాక్స్ లాంటి సైన్స్ ఫ్రిక్షన్ స్టోరీలో బాలయ్య నటించడం అంటే ఇక అంచనాలు మరింతగా పెరిగిపోతాయి. ఇక ఆయన తనయుడు మోక్షజ్ఞ ఎంట్రీ కోసం కేవలం నందమూరి అభిమానులే కాదు.. ఇండస్ట్రీ వర్ధలు కూడా ఎంతో ఆసక్తిగా ఎదురుచూస్తున్నాయి. ఈ క్రమంలోనే సినిమాపై అఫీషియల్ ప్రకటన వస్తే చాలు ఇక ఫ్యాన్స్‌లో పండగ వాతావరణం మొదలైపోతుంది. ఇక ప్రస్తుతం బాలయ్య ,మోక్షజ్ఞ కాంబోలో అనిల్ రావిపూడి దర్శకుడుగా సినిమా ఉందని వార్తలు హాట్‌ టాపిక్‌గా ట్రెండ్ అవుతున్నాయి. ఈ సినిమాపై అఫీషియల్ అనౌన్స్మెంట్ కోసం నందమూరి ఫ్యాన్స్ ఆసక్తిగా ఎదురుచూస్తున్నారు.