ఐకాన్ స్టార్ అల్లు అర్జున్ హీరోగా, సుకుమార్ డైరెక్షన్లో తెరకెక్కిన మోస్ట్ అవైటెడ్ మూవీ పుష్ప 2.. తాజాగా రిలీజై బ్లాక్ బస్టర్ టాక్ తో దూసుకుపోతున్న సంగతి తెలిసిందే. రిలీజ్ కు ముందు విపరీతమైన అంచనాలు నెలకొన్న ఈ సినిమా.. ప్రస్తుతం అదే రేంజ్ లో అన్ని వర్గాల ప్రేక్షకులను ఆకట్టుకుని కలెక్షన్ల పరంగా దూసుకుపోతుంది. ఫస్ట్ డే ఏకంగా రూ.294 కోట్ల కలెక్షన్లు కొల్లగొట్టి పాన్ ఇండియా లెవెల్ లోనే అత్యధిక కలెక్షన్లు కొల్లగొట్టిన సినిమాగా రికార్డును క్రియేట్ చేసిన ఈ సినిమా.. అత్యంత వేగంగా రూ.500 కోట్ల కలెక్షన్లు సాధించాన సినిమా గాను రికార్డులు సృష్టించింది.
అలా పుష్పరాజ్ రపరప రికార్డులు క్రియేట్ చేసుకుంటూ దూసుకుపోతున్న నేపథ్యంలో.. మేకర్స్ కు షాక్లపై షాక్లు తగులుతున్నాయి. పుష్ప 2 విడుదలైన కొద్ది గంటలకే పలు ఆన్లైన్ సైట్లలో పూర్తి మూవీ లీక్ అయిపొగా అప్పటికే మేకర్స్ బిగ్ షాక్ లో పడిపోయారు. కాగా తెలుగు రాష్ట్రాలకంటే పుష్ప సినిమాను నార్త్ ఆడియన్స్ ఓన్ చేసుకుని ఆదరిస్తున్న సంగతి తెలిసిందే ఈ క్రమంలోనే బాలీవుడ్లో తెలుగొడి సత్త చాటుకున్నాడంటూ వార్తలు తెగ వైరల్ అయ్యాయి.
అంతే కాదు బాలీవుడ్ బాద్షా షారుక్ జవాన్ రికార్డ్లు కూడా అక్కడ ఫుష్ప 2 బ్రేక్ చేసి అందరిని ఆశ్యర్యపరిచింది. అలా కలెక్షన్ల పరంగా నార్త్లో సత్తా చాటుతున్ క్రమంలో మేకర్స్కు అక్కడ బిగ్ షాక్ తగిలింది. తాజాగా యూట్యూబ్లో కొందరు.. హిందీ వర్షన్ ఫుల్ మూవీ స్ట్రీమింగ్ అయ్యేలా చేస్తున్నారు. ఈ ఘటనపై మేకర్స్ ఇప్పటివరకు స్పందించలేదు. ఇక త్వరలోనే సైబర్ క్రైమ్ పోలీసులకు దీనిపై ఫిర్యాదు చేసి.. తగిన చర్యలు మేకర్స్ తీసుకోబోతున్నారని సమాచారం.