టాలీవుడ్ ఐకాన్ స్టార్ అల్లుఅర్జున్.. పుష్ప సినిమా తర్వాత పాన్ ఇండియా లెవెల్‌లో స్టార్ హీరోగా దూసుకుపోతున్న సంగతి తెలిసిందే. ఈ క్రమంలోనే పుష్పకు సీక్వెల్‌గా పుష్ప 2 సినిమాతో ఆడియన్స్‌ను పలకరించడానికి సిద్ధమవుతున్నాడు బన్నీ. ఈ సినిమాల్లో నేషనల్ క్ర‌ష్ రష్మిక మందన హీరోయిన్‌గా కనిపించనుంది. సుకుమార్ డైరెక్షన్లో మైత్రి మూవీస్ బ్యానర్ పై భారీ బడ్జెట్‌లో ప్రతిష్టాత్మకంగా తెరకెక్కిస్తున్నారు. ఈ సినిమాకు రాక్ స్టార్ దేవి శ్రీ ప్రసాద్ సంగీత దర్శకుడుగా వ్యవహరిస్తున్నాడు.
మలయాళ నటుడు ఫాహాద్ ఫ‌జిల్ పవర్ ఫుల్ నెగటివ్ రోల్‌లో కనిపించనున్నాడు. అనసూయ, సునీల్, రావు రమేష్ తదితరులు కీలకపాత్రలో కనిపించనున్న ఈ సినిమాను.. డిసెంబర్ 5న రిలీజ్ చేయనున్నట్లు మేకర్స్‌ ప్రకటించిన సంగతి తెలిసిందే. ఇక ఈ సినిమా మొదటి భాగంలో సమంత స్పెషల్ సాంగ్లో నటించి.. త‌న అందాలతో డ్యాన్స్‌తో ప్రేక్షకులను మెస్మరైజ్ చేసింది. ఈ సినిమా సూపర్ హిట్ కావడానికి.. ఆమె స్పెషల్ సాంగ్ కూడా ఓ హైలెట్ అనడంలో సందేహం లేదు. ఈ క్రమంలోనే పుష్ప పార్ట్ 2 లో ఉండే స్పెషల్ సాంగ్ పై ఆడియన్స్‌లో ఆసక్తి పెరిగింది. ఈ స్పెషల్ సాంగ్లో అల్లు అర్జున్ సరసన ఎవరు నటించనున్నారు అనే సందేహాలు అభిమానుల్లో మొదలయ్యాయి.
ఈ క్రమంలోనే మొదట ఎంతో మంది స్టార్ హీరోలను అనుకున్న చివరకు.. శ్రీ లీలను ఐటెం సాంగ్‌కు సెలెక్ట్ చేసినట్లు తెలుస్తోంది. దీంతో బన్నీ ఫ్యాన్స్ కాస్త డిసప్పాయింట్ అవుతున్నారట. సమంత కంటే శ్రీ లీలా క్రేజ్ చాలా తక్కువ. ఈ క్రమంలోనే శ్రీలీల కంటే సమంత లాంటి క్రేజ్ ఉన్నా, ఎక్స్పీరియన్స్ ఉన్న హీరోయిన్ ఐటమ్ సాంగ్కి తీసుకుంటే సినిమాపై మంచి హైప్‌ పెరుగుతుందని.. శ్రీ లీల లాంటి హీరోయిన్ తో ఐటెం సాంగ్ తీస్తే ఎలా అంటూ ఫ్యాన్స్ నిరాశ చెందుతున్నారట. ఇది పుష్ప కు మైనస్ అయ్యే ఛాన్స్ ఉందని అభిమానులు అభిప్రాయాలను వ్యక్తం చేస్తున్నారు.