టాలీవుడ్ స్టార్ బ్యూటీ కాజల్ ఇటీవ‌ల నటించిన మూవీ సత్యభామ. ఈ సినిమా మే 31 ప్రేక్షకులు ముందుకు రానుంది. ఈ క్రమంలో వరుస ప్రమోషన్స్‌లో పాల్గొంటూ సందడి చేస్తుంది కాజల్. తాజాగా ఓ ఇంటర్వ్యూలో పాల్గొన్న ఈ ముద్దుగుమ్మ నటించిన సినిమాలన్నిటిలో తనకు ఇష్టమైన సినిమా ఏది అని ప్రశ్నకు స్పందిస్తూ.. ఆసక్తి సమాధానాలు చెప్పింది. ఇండస్ట్రీలో స్టార్ హీరోలు అందరి సరసన నటించిన ఈ అమ్మడు తను నటించిన అన్ని సినిమాల్లో తనకు సత్యభామ, సీత, బ్రహ్మోత్సవం సినిమాలంటే చాలా ఇష్టమంటూ వివరించింది.
అయితే కాజల్ నటించిన సత్యభామ త్వరలోనే ప్రేక్షకుల ముందుకు రానుంది. ఇక బెల్లంకొండ శ్రీనివాస్ హీరోగా తేజ దర్శకత్వంలో తెరకెక్కిన సీతా సినిమాలో కాజల్ హీరోయిన్‌గా చేసిన సంగతి తెలిసిందే. ఈ సినిమా టాలీవుడ్ ప్రేక్షకులను మెప్పించలేకపోయింది. ఇక మహేష్ బాబు హీరోగా తెరకెక్కిన బ్రహ్మోత్సవం సినిమా కూడా ఎన్నో అంచనాలు నడుమున రిలీజై బాక్సాఫీస్ వద్ద బోల్తా కొట్టింది. మహేష్ నటించిన ఈ సినిమాలో కాజల్ అగర్వాల్‌తో పాటు సమంత, ప్రణీత కూడా హీరోయిన్లుగా కనిపించారు.
ఇక ఈ రెండు సినిమాలు ఫ్లాపులుగా నిలిచినా.. కాజల్ అగర్వాల్ కి మాత్రం తను నటించిన అన్ని సినిమాల్లో ఈ రెండూ చాలా ఇష్టమని వివరించింది. ఈమెకు ఇష్టమైన మరో సినిమా ప్రస్తుతం ప్రేక్షకుల ముందుకు రానున్న సత్యభామ అంటూ చెప్పుకొచ్చింది. సుమ‌న్ చిక్క‌లా ద‌ర్శ‌క‌త్వం బ‌హించిన ఈ సినిమా రిలీజ్ అయ్యి ఎలాంటి సక్సెస్ అందుకుంటుందో వేచి చూడాలి. కాగా ఇందులో కాజల్ పవర్ఫుల్ పోలీస్ ఆఫీసర్గా నటించింది.