కోలీవుడ్ సూపర్ స్టార్ సూర్య.. పేట సక్సెస్ తర్వాత మరోసారి కార్తీక్ సుబ్బరాజు డైరెక్షన్లో కొత్త సినిమాలో నటించడానికి సిద్ధమవుతున్నారు. ఇది సూర్యకి 44వ సినిమా కావడం విశేషం. పీరియాడికల్ డ్రామాగా గ్యాంగ్‌స్ట‌ర్.. లవ్ స్టోరీ ఆధారంగా తెరకెక్కుతున్న ఈ సినిమాలో సూర్య డ్యూయల్ రోల్ ప్లే చేయనున్నట్లు తెలుస్తోంది. ఇక జూన్ 17 నుంచి ఈ సినిమా షూటింగ్ ప్రారంభం కానుంది. ఈ సినిమాకు సంతోష్ నారాయణ సంగీతం అందిస్తుండగా సినిమాటోగ్రాఫర్‌గా తిరునావుకరసు వ్యవహరిస్తున్నాడు. కాగా సూర్య 24, పేట సినిమాలకు కూడా ఈయన సినిమా వివరించారు.
ప్రస్తుతం పాన్ ఇండియా లెవెల్లో తెరకెక్కుతున్న కంగువా సినిమా షూటింగ్లో బిజీగా ఉన్నాడు సూర్య. ఈ సినిమా తర్వాత కార్తీక్ సుబ్బరాజు డైరెక్షన్లో నటించనున్నాడు. వరుసగా భారీ సినిమాలు లైన్లో ఉండడంతో సూర్య అభిమానుల్లో ఆయన సినిమాలపై మంచి అంచనాలు నెలకొన్నాయి. ఈ నేపద్యంలో కార్తీక్ సుబ్బరాజు సినిమాకు సంబంధించిన క్యాస్టింగ్ కాల్ పోస్టర్‌ను తన ఎక్స్ పేజీలో షేర్ చేశాడు. భాషాభేదం లేదని.. ఆడ, మగ అనే తేడా లేదని ఈ క్యాస్టింగ్ కాల్ లో ఆయన వివరించాడు.
ఇక ఈ సినిమాలో నటించాలనుకునే ప్రతి ఒక్కరూ తమ పేరు.. ఇతర వివరాలను షేర్ చేస్తూ ఒకటి నుంచి మూడు నిమిషాల న‌డివితో తమ వీడియోను 7550011050 ఈ నెంబర్‌కు పంపాలని ఆయన వివరించాడు. ఇది సూర్య అభిమానులకు.. సినిమాల్లో నటించాలనుకునే వారికి.. నిజంగా బంపర్ ఆఫర్ అని చెప్పవచ్చు. ఇంకెందుకు ఆలస్యం నటనపై ఇంట్రెస్ట్ ఉన్నవారు కచ్చితంగా ఒక‌సారి ట్రై చేసేయండి.