లక్ ఉంటే ఒక్క సినిమా చాలు పది సినిమాలు అవసరం లేదు అనే డైలాగ్ ని తూచా తప్పకుండా పాటించింది త్రిప్తి దిమ్రీ. అనిమల్ మూవీ ద్వారా మంచి ఫేమస్ అయిన ఈ ముద్దుగుమ్మ అనేక సినిమా ఆఫర్స్ ని అందుకుంటుంది.
సినిమాలో కనిపించింది కొద్దిసేపే అయినా ఈ ముద్దుగుమ్మ కి మంచి పాపులారిటీ దక్కింది. ఇక భూల్ భూలయ్యా 3 లో కీలకమైన పాత్రలో నటించేందుకు ఈ ముద్దుగుమ్మ ని మేకర్స్ ఎంపిక చేసుకున్నారు. ఇక ఈ మూడవ విడతలో కార్తీక్ ఆర్యన్ కథానాయకుడిగా నటిస్తుండగా విద్యాబాలన్ మళ్లీ మంజూలికగా కనిపించనుంది. మాధురి దీక్షిత్ కూడా ఒక కీలకమైన పాత్ర పోషిస్తుంది.
అదేవిధంగా త్రిప్తి దిమ్రీ నీ చేర్చుకోవడం గురించి ఈ తాజా ప్రకటనతో అందరి దృష్టి ఈ హారర్ కామెడీ చిత్రంపై ఉంది. ఇక ఈ సినిమా పై మరిన్ని అంచనాలు నెలకొన్నాయి. ప్రస్తుతం ఇందుకు సంబంధించిన ఫోటో ఒకటి సోషల్ మీడియాలో వైరల్ గా మారింది. ఇక ఈ వార్తను విన్న ప్రేక్షకులు.. అదృష్టమంతా నీ చుట్టూనే ఉన్నట్లుంది గా.. అంటూ కామెంట్స్ చేస్తున్నారు.