పైన ఫోటోలో బూరె బుగ్గలు వేసుకొని క్యూట్‌గా కనిపిస్తున్న ఈ చిన్నది ఎవరో గుర్తుపట్టారా. సౌత్‌ స్టార్ హీరోయిన్‌గా అతి తక్కువ టైంలోనే తనకంటూ ప్రత్యేకమైన మార్క్ క్రియేట్ చేసుకుంది ఈ ముద్దుగుమ్మ. బ్యాక్ టూ బ్యాక్ హిట్ సినిమాల్లో నటించి ఆకట్టుకుంది. తెలుగు, తమిళ, కన్నడ భాషలో ఎన్నో సినిమాల్లో నటించి కోట్లాదిమంది ఫ్యాన్ ఫాలోయింగ్ ను సొంతం చేసుకుంది. అయితే చాలామంది హీరోలకు అదృష్ట దేవతగా మారిన ఈ బ్యూటీ తెలుగులో మెగాస్టార్ చిరంజీవి, రామ్ చరణ్, ఎన్టీఆర్, ప్రభాస్, అల్లు అర్జున్ లాంటి స్టార్ హీరోల సరసన నటించింది. 2007లో ఇండస్ట్రీకి అడుగుపెట్టిన ఈ బ్యూటీ ఇప్పటికీ అదే క్రేజ్ తో సక్సెస్ఫుల్గా కొనసాగుతుంది.
కరోనా టైంలో వివాహం చేసుకొని కొంతకాలం ఇండస్ట్రీకి దూరమైన ఈ ముద్దుగుమ్మ.. తాజాగా రీఎంట్రీ ఇచ్చి సెకండ్ ఇన్నింగ్స్ లో కూడా దూసుకుపోతుంది. టాలీవుడ్ లో భారీ ఫ్యాన్ ఫాలోయింగ్ సంపాదించుకున్న ఈ హీరోయిన్ ఎవరో ఇప్పటికైనా గుర్తుపట్టారా..? ఆమె టాలీవుడ్ చందమామ.. కాజల్ అగర్వాల్. లక్ష్మి కళ్యాణం తో ఇండస్ట్రీ లోకి అడుగుపెట్టిన కాజల్ ఈ సినిమాతో సూపర్ హిట్ అందుకుంది. ఆ తర్వాత వరుస ఆఫర్లు అందుకుంటూ 2009లో రామ్ చరణ్ సరసన మగధీరలో నటించి భారీ బ్లాక్ బాస్టర్ తన ఖాతాలో వేసుకుంది. కాజల్ కెరీర్ ను మలుపు తిప్పిన సినిమా ఇదే. ఈ సినిమా తరువాత టాలీవుడ్ టాప్ హీరోల అందరి సరసన నటించింది.
ఇక 2020లో తన క్లోజ్ ఫ్రెండ్, బిజినెస్ మాన్ అయినా గౌతమ్ కిచ్లును వివాహం చేసుకొని 2022లో నీల్‌కిచ్చ్‌లుకు జన్మనిచ్చింది. పెళ్లి తర్వాత కొన్నాళ్ల గ్యాప్ తీసుకున్న ఈ ముద్దుగుమ్మ ఇటీవల రీ ఎంటర్ ఇచ్చి బాలయ్య భగవంత్ కేసరిలో కనిపించి ప్రేక్షకులను మెప్పించింది. బ్యూటీ డైరెక్టర్ శంకర్ దర్శకత్వంలో కమల్ హాసన్ హీరోగా తెర‌కెక్కుతున్న ఇండియన్ 2 లో నటిస్తుంది. అదేవిధంగా సత్యభామ అనే లేడీ ఓరియంటెడ్ సినిమాలను నటిస్తోంది. క్షణం తీరిక లేకుండా బిజీబిజీగా గడుపుతుంది. అయితే సోషల్ మీడియాలో కూడా యాక్టివ్ గా ఉంటూ ఎప్పటికప్పుడు తన ఫ్యామిలీ ఫొటోస్ తో ట్రీట్ ఇస్తూ ఉంటుంది.