ప్రతీకారం తీర్చుకునేందుకు సిద్ధం అవుతున్నాడు ఎన్టీఆర్. ఎవరిపై అని ఆలోచిస్తున్నారా..? అది తెలియాలంటే లేట్ చేయకుండా మ్యాటర్లోకి వెళ్లాల్సిందే. మెగా పవర్ స్టార్ రామ్ చరణ్తో కలిసి రాజమౌళి దర్శకత్వంలో `ఆర్ఆర్ఆర్` చిత్రాన్ని పూర్తి చేసుకున్న ఎన్టీఆర్.. తన 30వ చిత్రాన్ని సక్సెస్ ఫుల్ డైరెక్టర్ కొరటాల శివతో ప్రకటించిన సంగతి తెలిసిందే.
నందమూరి కళ్యాణ్రామ్ సమర్పణలో యువసుధ ఆర్ట్స్, ఎన్టీఆర్ ఆర్ట్స్ బ్యానర్లపై భారీ బడ్జెట్ కేటాయించి పాన్ ఇండియా లెవల్లో ఈ మూవీని రూపొందించబోతున్నారు. త్వరలోనే ఈ సినిమా సెట్స్ మీదకు వెళ్ల బోతోంది. అయితే ఇలాంటి తరుణంలో ఈ సినిమాకు సంబంధించి ఓ ఆసక్తికర విషయం బయటకు వచ్చి నెట్టింట చక్కెర్లు కొడుతోంది.
ఈ చిత్రం ప్రతీకార కథాంశంతో రూపుదిద్దుకోబోతోందట. ఇందులో ఎన్టీఆర్ పాత్ర సరికొత్తగా ఉంటుందని, ప్రతీకారం తీర్చుకునే వ్యక్తిగా ఆయన కనిపించబోతున్నాడని అంటున్నారు. మాస్ అంశాలతో పాటు సామాజిక సందేశం మేళవించి కొరటాల శివ ఈ మూవీని తెరకెక్కించబోతున్నారని ఇండస్ట్రీ వర్గాల సమాచారం ద్వారా తెలుస్తోంది.
మరి ఇందులో ఎంత వరకు నిజముందో తెలియాలంటే మరికొద్ది రోజులు వెయిట్ చేయాల్సిందే. కాగా, ఈ సినిమా తర్వాత ఎన్టీఆర్ కేజీఎఫ్ ఫేమ్ ప్రశాంత్ నీల్ దర్శకత్వంలో ఓ భారీ బడ్జెట్ చిత్రం చేయనున్నాడు. ఈ ప్రాజెక్ట్పై సైతం ఇప్పటికే అధికారిక ప్రకటన వచ్చింది.