బాలీవుడ్ స్టార్ హీరోయిన్ అలియా భట్ గత ఏడాది తన ప్రియసఖుడు రణబీర్ కపూర్ తో ఏడడుగులు వేసిన సంగతి తెలిసిందే. పెళ్లి అయిన ఏడు నెలలకే ఈ దంపతులకు పండంటి ఆడ బిడ్డ జన్మించింది. దీంతో పెళ్లికి ముందే అలియా భట్ గర్భం దాల్చిందని తేలిపోయింది. ప్రెగ్నెన్సీ కారణంగా నటనకు బ్రేక్ ఇచ్చిన అలియా భట్.. ప్రస్తుతం ఫ్యామిలీ లైఫ్ ను ఎంజాయ్ చేస్తోంది.
అయితే తాజాగా అలియా భట్ ఓ ఇంటర్వ్యూలో పాల్గొంది. అక్కడ రిపోర్టర్ `కెరీర్ లో మంచి అవకాశాలు అందుకుంటున్న టైమ్ లో తల్లి కావాలని ఎందుకు అనిపించింది..?` అంటూ ఒళ్ళు మండే ప్రశ్న వేశాడు. దాంతో అలియా భట్ చెంప చెల్లుమనేలా సమాధానం ఇచ్చింది. `ఈ ప్రశ్న మీరు హీరోల్ని ఎందుకు అడగరు. ఇలాంటి వాటిని హీరోయిన్లనే ఎందుకు అడుగుతారు.
నేను కెరీర్ మొదలైన పదేళ్లకు పిల్లల్ని కన్నాను. ఈ విషయంలో చాలా ఆనందంగా ఉన్నాను. చేసే ఏ పని అయిన మనసుకు నచ్చితేనే చేస్తాను. నాకు నచ్చకూండా ఏ పని చేయను. నాకు నచ్చక వదులుకున్న పెద్ద సినిమాలు ఎన్నో ఉన్నాయి. దయచేసి ఇలాంటి చెత్త ప్రశ్నలు మళ్లీ నన్ను అడగకండి` అంటూ ఘాటుగా బదులిచ్చింది. దీంతో అలియా భట్ కామెంట్స్ నెట్టింట వైరల్ గా మారాయి.