`చిరుత` సినిమాతో తెలుగు ఇండస్ట్రీలోకి హీరోగా ఎంట్రీ ఇచ్చిన రామ్ చరణ్.. చిరుత కంటే వేగంగా దూసుకుపోయి టాలీవుడ్లో స్టార్ హీరోల్లో ఒకడిగా స్థానాన్ని సంపాదించుకున్నాడు. మెగాస్టార్ చిరంజీవి తనయుడిగా ప్రేక్షకులకు పరిచయం అయినప్పటికీ.. సొంత ట్యాలెంట్తో మెగా పవర్ స్టార్గా ఎదిగాడీయన.
ఈ విషయాలు పక్కన పెడితే.. మొదటి సినిమాలో తన సరసన నటించిన నేహా శర్మతో రామ్ చరణ్ ప్రేమలో పడ్డాడట అప్పట్లో పెద్ద ఎద్దున వార్తలు వచ్చాయి. అయితే ఈ విషయం తెలుసుకున్న చిరంజీవి తీవ్ర ఆగ్రహానికి గురై చరణ్కు స్ట్రోంగ్ వార్నింగ్ ఇచ్చాడని.. దాంతో వారి ప్రేమ చెడిందని కూడా ప్రచారం జరిగింది.
ఇక ఆ తర్వాత రామ్ చరణ్..అపోలో హాస్పిటల్ అధినేత కూతురు ఉపాసనను ప్రేమించి పెళ్లి చేసుకున్నారు. చరణ్ కన్నా ఉపాసన వయసులో నాలుగు సంవత్సరాలు పెద్దది అయినప్పటికీ వీరిద్దరి అభిప్రాయాలు కలవడంతో పెద్దలు వీరికి అంగరంగ వైభవంగా వివాహం చేశారు. దీంతో చరణ్-నేహాల ప్రేమాయణం వార్తలకు పులిస్టాప్ పడిపోయింది.
కాగా, రామ్ చరణ్ సినిమాల విషయానికి వస్తే.. ఇప్పటికే రాజమౌళి దర్శకత్వంలో ఆర్ఆర్ఆర్ పూర్తి చేసుకున్న ఈయన ప్రస్తుతం శంకర్ దర్శకత్వంలో తన 15వ చిత్రాన్ని చేస్తున్నాడు. షూటింగ్ దశలో ఉన్న ఈ చిత్రం వచ్చే ఏడాది చివర్లో విడుదల అయ్యే అవకాశాలు ఉన్నాయి.