టాలీవుడ్ చందమామ కాజల్ అగర్వాల్ గురించి ప్రత్యేకంగా పరిచయాలు అవసరం లేదు. లక్ష్మీ కల్యాణం మూవీతో తెలుగు ఇండస్ట్రీలో అడుగు పెట్టిన ఈ కలువ కళ్ల సుందరి.. అంచలంచలుగా ఎదుగుతూ స్టార్ హీరోయిన్ రేంజ్కు చేరుకుంది. ప్రస్తుతం ఈ అమ్మడు తెలుగుతో పాటు తమిళ, కన్నడ, హిందీ చిత్రాలతో బిజీ బిజీగా గడుపుతోంది.
ఇక గత ఏడాది ప్రియుడు, ముంబైలో స్థిరపడిన వ్యాపారవేత్త గౌతమ్ కిచ్లూను కాజల్ పెళ్లాడిన సంగతి తెలిసిందే. పెళ్లి తర్వాత భర్తతో మాల్వీవ్స్కు చెక్కేసిన కాజల్..అక్కడ మస్తు ఎంజాయ్ చేసింది. ఇదిలా ఉంటే.. కాజల్ కు సంబంధించి ఓ వార్త నెట్టింట వైరల్గా మారింది. కాజల్ గర్భవతి అన్నది ఆ వార్త సారాంశం.
ఈ మధ్య కాజల్ అగర్వాల్ చెల్లెలు నిషా అగర్వాల్.. ఇంకెన్ని రోజులు ఇలా ఉంటావు. త్వరలో పిల్లలను కంటే.. తన కొడుకుకు తోడుగా ఆడుకుంటాడని ఆటపట్టించింది. ఇక అప్పటి నుంచి కాజల్ తల్లి కాబోతోందంటూ ప్రచారం ఊపందుకుంది. అయితే ఈ విషయంపై కాజల్ సన్నిహితులు స్పందిస్తూ.. అలాంటిదేమీ లేదు. ఆమె గర్భవతి కాదు అంటూ క్లారిటీ ఇచ్చారు.