సినీ ఇండస్ట్రీలో స్టార్ హీరో, హీరోయిన్లుగా సక్సెస్ అందుకున్న తర్వాత.. ఎంతోమంది డైరెక్టర్లు ఆ సెలబ్రెటీల ఇంటికి క్యూ కడుతూ ఉంటారు. ఎన్నో కథలను వినిపిస్తూ ఉంటారు. కానీ.. హీరోలు లేదా, హీరోయిన్‌లు మాత్రం ఆ కథ అటు ఇటుగా అనిపించిన.. ఫ్లాప్ అవుతుందని ఆలోచన వచ్చిన వెంటనే ఆ సినిమాలను రిజెక్ట్ చేస్తూ ఉంటారు. సినిమా సెట్స్‌ పైకి వచ్చిన తర్వాత.. సగం షూట్ అయిన తర్వాత కూడా ప్లాప్ అవుతుందని డౌట్‌తో షూట్ ఆపించేసిన స్టార్ హీరోస్ కూడా చాలామంది ఉన్నారు. అయితే నందమూరి నట‌సింహం బాలకృష్ణ మాత్రం ఓ సినిమా కథ ఫ్లాప్ అవుతుందని తెలిసినా.. కావాలనే ఆ సినిమాలో నటించారట. ఇంతకీ ఆ సినిమా స్టోరీ ఏంటి.. ప్లాప్ అవుతుందని తెలిసిన.. బాలయ్య సినిమాలో ఎందుకు నటించాల్సి వచ్చిందో ఒకసారి తెలుసుకుందాం.
బాలయ్య సినీ కెరీర్‌లో ఎన్నో సినిమాలు బ్లాక్ బస్టర్లుగా నిలిచాయి. కొన్ని సినిమాలు ఫ్లాపులు గాను మారాయి. అయితే ఒకే ఒక సినిమా మాత్రం ఫ్లాప్ అవుతుందని తెలిసిన బాలకృష్ణ నటించాడు. ఇంతకీ ఆ సినిమా ఏదో కాదు.. తిరగబడ్డ తెలుగు బిడ్డ. ఈ సినిమా చేయడం బాలయ్య‌కు అసలు ఇష్టం లేదట. ముందే సినిమా ఫ్లాప్ అవుతుందని ఆయన ఫిక్స్ అయ్యారట. డైరెక్టర్ కోదండరామిరెడ్డి కూడా ఈ సినిమా ఫ్లాప్ అవుతుంది ఆపేద్దామని అనుకున్నాడట. కానీ.. ఎన్టీఆర్ మాత్రం నాకు ఈ కథ బాగా నచ్చింది కచ్చితంగా ఈ సినిమాను చేసి తీరాలి అని చెప్పడంతో ఎక్కువ హోప్స్ లేకుండా సింపుల్ గా కథను లాగించేసారట. ఈ విషయాన్ని స్వయంగా ఓ ఇంటర్వ్యూలో కోదండరామిరెడ్డి వెల్లడించారు.
ఎన్టీఆర్ సీఎం గా ఉన్న టైంలో అనసూయమ్మ గారి అల్లుడు సినిమాకు దర్శకత్వం వహించానని.. అప్పట్లో ఈ సినిమా బ్లాక్ బాస్టర్ గా నిలిచింది. ఈ క్రమంలోనే ఎన్టీఆర్.. బాలయ్యతో మరో సినిమాను తెరకెక్కించే బాధ్యత నాకు అప్పగించారు. అలా రెడీ చేసిన స్టోరీనే తిరగబడ్డ తెలుగు బిడ్డ అంటూ చెప్పుకోచ్చాడు కోదండరామిరెడ్డి. కానీ.. ఆ కథ నాకు నచ్చలేదు. అప్పుడే ఆ సినిమా వదిలేసా. అంతేకాదు.. బాలయ్య కూడా ఈ స్టోరీ ఫ్లాప్ అవుతుంది నేను నటించనని చెప్పాడట. కానీ.. ఎన్టీఆర్ ఈ సినిమాను తీయాల్సిందే.. ఈ కథ జనాల్లోకి వెళ్లాల్సిందేనని పట్టుపట్టడంతో కాదనలేక.. ఇష్టం లేకపోయినా ఈ సినిమాలో నటించాడట. ఇక ఈ సినిమా ఎప్పుడు వచ్చిందో.. ఎప్పుడు వెళ్ళిందో కూడా తెలియలేదు. బాలయ్య కెరీర్‌లోనే పెద్ద డిసాస్టర్ గా ఈ సినిమా నిలిచింది.