టాలీవుడ్ పవర్ స్టార్ పవన్ కళ్యాణ్.. జనసేన అధినేత.. ప్రస్తుతం వరుస సినిమాలతో బిజీ బిజీగా ఉన్నాడు. ఈ క్రమంలో ఏపీ ఎన్నికలు కావడంతో పవన్ సినిమాలో షూటింగ్ వాయిదా వేయాల్సి వచ్చింది. సుజిత్, పవన్ కాంబినేషన్లో రూపొందుతున్న ఈ సినిమా సెప్టెంబర్ 27న రిలీజ్ చేయాలని మేకర్స్ ఫిక్స్ చేశారు. సెంటిమెంట్ ప్రకారం ఈ డేట్ అత్తారింటికి దారేది సినిమా రిలీజ్ డేట్ కావడంతో.. ఓజి కూడా అదే రెంట్ లో బ్లాక్ బస్టర్ సృష్టిస్తుందని అభిమానులు అభిప్రాయపడుతున్నారు. అయితే గూగుల్ ఐఎండిబి పేజ్ లో ఓజి మూవీ స్టోరీ లైన్ ఇదేనంటూ ఓ స్టోరీ లైన్ తెగ వైరల్ అవుతుంది.
వైరల్ అవుతున్న స‌మాచారం ప్రకారం ఈ సినిమాలో పవన్ కళ్యాణ్ ఓజాస్ గంభీర్ అనే రోల్ లో కనిపించబోతున్నాడు. ముంబై లో 10 ఏళ్ల క్రితం ఓజస్ గంభీర్ అనే గ్యాంగ్ స్ట‌ర్ ఉండగా అతని దగ్గర ఎన్నో గ్యాంగ్స్ ఉంటాయి. ఆ గ్రూప్స్ అన్నింటికీ ఓజస్ గాంబీర్ గ్యాంగ్ లీడర్ గా వ్యవహరిస్తూ ఉంటాడు. కొన్ని కారణాలతో ముంబైకి దూరమైన ఓజాస్.. పదేళ్ల తర్వాత అక్కడకు రీఎంట్రీ ఇస్తాడు. పదేళ్ల తర్వాత మళ్ళీ ఓజాస్ ఎంట్రీ ఇవ్వడానికి కారణం ఏంటి..?
తన శత్రువులపై ఓజస్ ఎలా రివెంజ్ తీర్చుకున్నాడు..? ఆ పదేళ్లపాటు ఒజాస్‌ ఎక్కడ ఉన్నాడు..? ఏం చేశాడు..? అనే అంశాలు ఈ సినిమాలో చూపించినట్లు తెలుస్తోంది. ఇక ఈ సినిమా భారీ బడ్జెట్ తో తెర‌కెక్కుతున్న సంగతి తెలిసిందే. ఈ సినిమా నుంచి మరిన్ని అప్డేట్స్ త్వరలోనే ప్రేక్షకుల ముందుకు రానున్నాయి. ఇక ఈ మూవీ నుంచి ఇప్పటికే రిలీజ్ అయిన పవన్ లుక్స్ ప్రేక్షకులను ఆకట్టుకున్నాయి. అదే లెవెల్ లో సినిమా మొత్తంలో పవన్ కళ్యాణ్ లుక్స్ ఉంటాయట. ఈ సినిమాలో యాక్షన్ సీన్స్ కూడా కొత్త ట్రెండ్ క్రియేట్ చేస్తాయంటూ టాక్.