టాలీవుడ్ రౌడీ బాయ్ విజయ్ దేవ‌ర‌కొండ‌కు ఉన్న క్రేజ్ గురించి ప్ర‌త్యేకంగా వివ‌రించ‌క్క‌ర్లేదు. అర్జున్ రెడ్డి మూవీతో ఓవ‌ర్ నైట్ స్టార్ గా గుర్తింపు సంపాదించుకున్న విజయ్.. గీతా గోవిందంతో మ‌రింత ఫాలోయింగ్ పెంచుకున్నాడు. ఆ త‌ర్వాత విజయ్ ఖాతాలో స‌రైన హిట్ లేదు. ఈయ‌న గ‌త చిత్రం లైగ‌ర్ దారుణంగా డిజాస్ట‌ర్ అయింది.
అయినాకూడా విజయ్ క్రేజ్ ఏ మాత్రం ద‌గ్గ‌లేదు. అలాగే ఈయ‌న్ను అభిమానించే వారి సంఖ్య కూడా రోజురోజుకు పెరుగుతోంది. అయితే తాజాగా ఓ అభిమాని చేసిన ప‌నికి అంద‌రూ చూస్తుండ‌గానే విజయ్ దేవ‌ర‌కొండ ప‌రుగులు పెట్టాడు. అస‌లేం జ‌రిగిందంటే.. విజయ్ త‌మ్ముడు ఆనంద్ దేవ‌ర‌కొండ రీసెంట్ గా బేబీ మూవీతో ప్రేక్ష‌కుల‌ను ప‌ల‌క‌రించి బ్లాక్ బ‌స్ట‌ర్ హిట్ ను ఖాతాలో వేసుకున్నారు. ఈ నేప‌థ్యంలోనే చిత్ర టీమ్ బేబీ స‌క్సెస్ మీట్ ను నిర్వ‌హించింది. ఈ సినిమాను ఆరంభం నుంచి త‌న‌వంతు ప్ర‌మోట్ చేస్తున్న విజయ్.. స‌క్సెస్ మీట్ లోనూ సంద‌డి చేశారు. బ్లా కుర్తా వైట్ ప్యాంట్ ధ‌రించి ఆక‌ట్టుకున్నాడు.
అయితే ఈ ఈవెంట్ లో స్టేజ్ పై విజయ్ మాట్లాడుతుండ‌గా.. కింద నుంచి ఓ అభిమాని దూసుకొచ్చాడు. సెక్యూరిటీని దాటుచుకుని విజయ్ కాళ్ల‌పై పడేందుకు ప‌రుగుప‌రుగునా వ‌చ్చాడు. అయితే స‌ద‌రు వ్య‌క్తి చేసిన ప‌నికి ఒక్క‌సారిగా ఉలిక్కిప‌డ్డ విజయ్ దేవ‌ర‌కొండ..భద్రతా సిబ్బంది చర్యకు దిగకముందే అతన్ని తప్పించడానికి ప‌క్క‌కు ప‌రుగులు పెట్టాడు. ఆ త‌ర్వాత అదే అభిమానితో ఫోటో దిగాడు. ఇందుకు సంబంధించిన వీడియోనే ప్ర‌స్తుతం నెట్టింట తెగ వైర‌ల్ అవుతోంది. కాగా, విజయ్ సినిమాల విష‌యానికి వ‌స్తే.. ఆల్రెడీ ఖుషిని కంప్లీట్ చేసిన ఆయ‌న ప‌రుశురామ్ తో ఓ సినిమా, గౌత‌మ్ తిన్న‌నూరితో ఓ సినిమా చేసేందుకు క‌మిట్ అయ్యాడు. ఇవి రెండు ఇటీవ‌లె ప్రారంభం అయ్యాయి.